2022-01-13 19:48:01
ҰБТ алдындағы қорқынышты қалай жеңеміз?
Тестофобтар, барсыңдар ма? Тестофоб - тест тапсыруға қорқатын адам. Тек сен емес, адамдардың 95%-ы тест алдында уайымдайды. Тіпті атақты әншілердің өзі сахнаға мың рет шықса да, бәрібір алақаны тершіп тұрады.
Емтихан кезіндегі стрессті ойлап, емтиханға дейін стресс пайда болады. Стресс қорқынышты, қорқыныш тағы да мол стрессті тудырады. Бір қызығы, емтиханға жақсы дайындалғандар көп қорқады. Аз дайындалғандар “бәрібір өтпеймін, қайта тапсырамын” деген оймен аз қорқады.
Қорқыныштың екі себебі бар: белгісіздік және өзіңе сенімсіздік. Сол үшін мектепте қайта-қайта сынақ емтиханын тапсыртады.
Сабаққа дайындалған сайын алған біліміңді біреуге түсіндіріп отыр. Сонда ұсақ бөлшектеріне дейін есіңде қалады.
Сабаққа дайындалғанда металлик емес, классикалық әуендер тыңда.
Құнарлы тағам же. Жаңғақ, мейіз, құрма өте пайдалы.
Емтихан болатын түні жақсылап ұйықтау керек.
Осындай қарапайым кеңестерді орындап, жақсы нәтижеге жете аласың.
291 views. ., 16:48