2020-08-30 11:56:24
Еркекті бақытты ететін 3 амал
☻біріншісі. Әрбір ер адам әйеліне мәһр беруге міндетті. Мәһр – жігіттің қалыңдықтың өзіне ғана арнап беретін сыйлығы. Мәһр – некелесу барысында немесе қалыңдыққа кейін берілетін дүние-мүлік немесе ақша.Мәһр туралы Құранда айтылып кеткендіктен, оны орындау ер азаматқа міндет. Мәһрдің мөлшеріне ешқандай шек қойылмаған.
Алла тағала бұл турасында: «Үйленетін әйелдеріңе мәһрлерін (қалыңдық сыйын) шын көңілден тарту етіңдер. Егер олар өз ризашылығымен сол мәһрдің бір бөлігін өздеріңе қалдырса, сендер үшін таза һәм адал. Игіліктеріңе жаратып, қызығын көріңдер», – деген («Ниса» сүресі, 4-аят).
☻Баспанамен қамтамасыз етуге міндетті.
Біз «әйел адам ерінен бір сатыға төмен тұруы керек» деп не үшін жиі айтып келеміз? Міне, ерлер қауымы отбасындағы орасан міндеттері мен жауапкершілігіне орай әрдайым әйелдерден бір саты жоғары тұрады.
Отау тігіп, өз алдында шаңырақ көтеруге ниет еткен әрбір азамат алдымен алған жарын, болашақ балаларын баспанамен, жылы орынмен қамтамасыз етуге әбден жауапты болып табылады. Сондықтан, жарыңыздың алдында өз жауапкершілігіңізді толықтай сезінгіңіз келсе, онда осы міндетті орындауға тырысыңыз.
☻үшіншісі Жарын тамақтандыру мен киіндіруге міндетті.
Жанұяның iргесi мықты болып, түтiнi түзу шығу үшiн, тек әйел адамның ғана жақсы болуы жеткiлiксiз! Күйеудiң өзi жақсы әйелге лайық, отағасылық мiндеттi атқаратын жан-жақты әзiрленген, бiлiм-бiлiгi бар, шаруашылыққа икемдi, ептi болуға тиiс.
Пайғамбарымыз (оған Алланың игілігі мен сәлемі болсын): «Жұбайларыңа жегендеріңнен жегізіңдер, кигендеріңнен кигізіңдер, оларға зәбір көрсетуші болмаңдар және олардың көңіліне келетін жаман сөздер айтпаңдар» (Тирмизи) деп өсиет қалдырған.
Ер адамның бұратылып төсекте жатқаны үйдің берекесін алады. Керісінше, жұмысына ерте кетіп кеш келіп жатса, бұл қалыпты жағдай саналады.
Ертеден «әйел адамның ризығы ер адамның қолынан алуға берілген» деп айтылады. Үйге азық-түлік , келіншегіңізге киім-кешегін алып беріңіз не сіздің алдыңызда әрлену үшін өзіңнің қажетіне керек заттар ал деп ақша беріңіз .
Үйге келгенде әйеліне сәлем беріп хал-жағдайын сұрау керек, реніші мен қуанышына ортақ болу керек. Өйткені ол басқалардан үмітсіз және өзіңе ғана байланған жолдасың, дертіңе ортағың, көңіліңді көтеруші, бала тәрбиелеп жетілдіруші және түрлі қажеттіліктеріңді толықтырушы. Хадис шәрифтерде былай бұйырады:
«Ақысыз (әділетсіз) әйелін ұрған адамның Қияметте дұшпаны мен боламын. Әйелін ұрған Аллаһқа және Расулына қарсы шыққан болады.» (Р. Насихин)
«Әйелінің және балаларының ақыларын өтемейінше адамның намаздары, оразалары қабыл болмайды.» (Мүршид-ун-ниса)
«Әйелдеріңді жәбірлемеңдер! Олар Аллаһу та’аланың сендерге берген аманаты. Оларға жылы мәміледе болыңдар, жақсылық жасаңдар!» (Муслим)
«Әйеліне күлімдеп қараған еркектің амал дәптеріне бір құл азат еткендей сауап жазылады.» (Р. Насихин)
«Әйелімен жақсы мәміледе болып, қалжыңдасқан адамды Аллаһу та’ала жақсы көреді, ризықтарын арттырады.» (И. Лал)
Ер адам өз отбасының арбасын өзі сүйреуге талаптанса ғана іске асады.
Бір-біріне киім, қорған, тыныштық, тыным болуы үшін жаратылып, Алла тағала араларына мейірім мен махаббат салған ер мен әйел – бір-бірін толықтырушы.
Артықшылығын еркектерге: «Араларыңдағы жақсыларың – әйелдеріңе жақсы болғандарың», деп түсіндірген Ислам діні.
Еркек үшін ең үлкен садақа – отбасына жұмсаған қаражаты болмақ. Ердің Алла алдындағы шынайы деңгейі түздегі әрекетімен емес, әйеліне деген қарым-қатынасымен өлшенеді.
Жомарттық – ең бірінші киімің болған әйелге ешнәрсені аямастан жұмсаудан басталады. Бұл сізге құлшылық ретінде жазылады. Және мұндай еркектің дәрежесі әйел алдында қадірлі бола түседі.
1.0K views08:56