2022-04-06 11:33:09
Tań atadı, kún batadı,
Toqtap turmas waqıt degen.
Mashqalań sheshim tappaydı,
Qabaq úyip júrgen menen.
Táshwishler ada bolmaydı,
Hesh nárse mángi qalmaydı,
Tek nadan adamlar ģana,
Dárt ùstine dárt jalģaydı.
Ayaq kiyimiń tar bolsa,
Dúnyaniń keńligi bir pul.
Al, oylarıń qaralansa,
Shóp penen teń, sen ushın gúl?
Ashıwlanıp júrgenińnen,
Hámmeni jek kórgenińnen.
Payda joq ģoy oylan endi,
Tek mushıńdı úygenińnen.
Dúnyanıń bar ģalma-ģalın,
Artıp alıp óz iyinińe.
Saw basıńa sawda salıp,
Ne qılmaqshısań keyninde.
Aqıl tárezińe salıp,
Kór aldımen hamme isti.
Dáslep jaqsı jaģın tawıp,
Soģan qaray jumsa kúshti.
***
Duz sewgennen pitpes jarań,
Shadlıq - dártińdi aladı.
Ğam qayģıģa kúlip qarań,
Kúliw - sizge jarasadı.
Gózzal Jumamuratova
Oktyabr, 2020-jıl
Meniń dúnyam
T.me/G_Xalmuratovna_1024
85 views08:33