2022-07-27 22:45:55
Өлең жазу қазір тым қиын маған
Қиналып өз өзімнен жиі ұрланам
Айта алмай ойымдағы кереметті
Қолымнан келмей жатыр, күйім жаман
Қолым бармай, ал бірде шабыт келмей
Күнім көктен қарайды жарық бермей
Шаршап кеттім жаза беріп әр нәрсені
Қолыммен ұстамай ақ, барып көрмей
Қиын маған табу да сөз ыңғайлы
Жазу да есер болған кезім жайлы
Қиын маған өзгені өлең етіп
Сандырақты жазу да өзім жайлы
Бойымды сол қорқыныш билеп қалған
Миымды мазалауда сүйреп жалған
Не туралы жазайын, там құрыса
Жырлайтын пәк сезім де сиреп қалған
Қазір заман өзгерген шыны керек
Оқитын бір жан болса ірі көмек
Өлеңді іздеп тұрған адамдар аз
Ақындардың айтқан бұл мұңы бөлек
Осы да бәлкім себеп болып қалар
Жыр жазбасқа жаныма серік болар
Ойымда тек түнек пен қара бұлт бар
Жанға маза бермейді төніп солар
Сірә енді тоқтаймын, доғарармын
Бәлкім солай көңілден жоғалар мұң
Өшпейтін өмірімнің өткенінен
Өлеңімдей жанға серік бола алар кім?
137 viewsedited 19:45