2021-06-16 17:28:23
Erteń ҰБТ тапсырушы TULEKTERGE!
1. Әрбір 30 минуттан кейін үзіліс жасап, дем алған жөн. Бірақ бұл үзіліс 3-5 минут қана болуы керек. Ал әрбір екі сағаттан соң 20-30 минуттық үзіліс жасау керек. Жалпы, тестке күніне 6-8 сағат дайындалған жөн.
2. «Ұйқы ашуға жақсы» деп, кофе, шай ішуге болмайды. ҰБТ-ға дайындалып жүрген балалардың жүйке жүйесінде қозу процесі өзінен-өзі аса жоғары болады. Ащы немесе көп мөлшердегі кофе, шай бұл процесті одан сайын арттырып жібереді. Нәтижесінде зейін тұрақсыз, шашыраңқы болып, материалға зейін қоя алмай, дайындығыңызға зияны тиеді.
3. ҰБТ тапсыруға қалай дайындалу керек? Материалды бір рет оқып алған соң, 10-20 минуттан кейін оны тағы бір рет оқып шығу керек. Одан кейін, 4-5 сағаттан соң есте қалғанды жазып, сызып, бейнелеу керек. Кейін 1-2суткадан кейін қайталаңыз. Сонда әр материалды үш реттен қарастыру ұзақ мерзімді еске сақтауға мүмкіндік береді.
4. ҰБТ кезінде тест тапсырмаларын бір қарап шығып, өте жақсы білетіндерді бірінші орындаған дұрыс. Қиындық туғызған тест тапсырмаларының жауаптарын соңына дейін мұқият оқу керек. Бірақ олардың арасынан бірінші кезекте дұрыс жауапты іздемеу керек. Алдымен, дұрыс емес жауаптарды анықтап алу керек, соңында дұрыс-ау дегені қалады. Сонда дұрыс жауап беруге мүмкіндік артады.
5. Жалпы сынақтан әр кезде білімділер мен психологиялық даярлығы жоғары оқушылар өтеді. Сондықтан ҰБТ кезінде барынша ерік-күш жұмсап оқу керек. Бірақ тым жоғары мақсат қойып, өзіңе артық үміт артуға болмайды.
Алдағы ҰБТ табысты болсын!
#мотивация
1.5K views14:28
М
