2021-06-25 09:24:10
Қазақстанда репродуктивті денсаулықты сақтау мәселелері бойынша жедел желі жұмыс істейді
Аптасына жеті күн, сағат 08:00-ден 20:00-ге дейін 8 800 004 05 40 телефоны арқылы кеңес алуға болады.
15 жылдық жұмыс өтілі бар тәжірибелі гинеколог-дәрігерлер азаматтарға жасөспірімдер арасындағы жүктіліктің алдын алу, контрацепция әдістері, жыныстық жолмен берілетін аурулар, бала емізу және босанғаннан кейін қалыпқа келу мәселелері бойынша кеңес береді.
Жедел желі "JANYM" қоғамдық бірлестігінің "Жастар арасында ұрпақты болу денсаулығын сақтау мәселелері бойынша консультациялық қызметтер көрсету"әлеуметтік жобасын іске асыру шеңберінде жұмыс істейді.
Бұдан басқа, Қазақстан өңірлерінде тәжірибелі мамандарбен бірлесіп, "JANYM" ҚБ жасөспірімдер арасындағы ерте жүктілік, денсаулық күтімі бойынша ақпараттық-түсіндіру жұмыстарын жүргізеді.
Айта кетейік, жоба Азаматтық бастамаларды қолдау орталығының қолдауымен жүзеге асырылуда.
36 views06:24