Zhantore Rakymbek

2022-09-29 16:05:06 Кейде

Кейде уақыт жетпейді, кейде күш, кейде шабыт, кейде көңіл... Бірақ не болса да жақсы істер, жақсы нәтижелер жалғасып жатады. Сонда жақсылық толықтай Алладан екеніне көз жетеді. Болып жатқан жақсылықтар менің арқамда емес, мен соған мұқтаж болғандықтан екені айдан анық болады.

Ал асығып, ақылдаспай, ақылсынып жасаған шешімдерден туған қателіктер нәпсімнен екеніне де еш күмән жоқ. Бірақ бұл қателіктерге де мұқтаждық бар. Бала қолы күйгенде оттың ыстық екеніне көзі жетіп, анасы айтқан ақылды бағалағаны секілді, Аллаға қайту үшін де қателіктер бір нұсқаушы рөлін атқарады. Ашу / Түсініктеме

2022-09-21 03:19:05 Суық пен жылы

Сондай сөздер бар –
Сүйектен өтеді.
Еске түскенде
Тұла бойды
Суытып жібереді.
Қандай ыстық болса да,
Жылыта алмайды.

Сондай сөздер бар –
Жүрекке жетеді.
Еске түскенде
Жан дүниені
Жылытып жібереді.
Қандай суық болса да,
Тоңдыра алмайды. Ашу / Түсініктеме

2022-09-20 18:42:05 Шынайы бақыт – шүкіршілікте.
Шынайы шүкір – талпыныста. Ашу / Түсініктеме

2022-09-09 19:42:14 Қайырлы кеш! Жаңа айдардағы жаңа подкаст шықты

Подкаст қонағы – социолог, отбасы психологы әрі жолдасым Жантөре Рақымбек

Подкастта:
• Жалғыз талаппен жар таңдау мүмкін бе?
• Маңызды сұрақтар VS танысу ұзақтығы
• Жұбайымыз тағдыр ма, таңдау ма?
• "Мен қандай жұбай боламын?" деп ойлау
• Махаббат деген не?
• Жалықпау мен жалықтырмаудың кілті және т.б сұрақтарды талқыладық…

Подкастты қолдау:
(Каспи): 4400 4302 5918 3686 (Жаннұр Т.)

Подкастқа сілтеме:
https://pod.fo/e/13e11b

Баршамызға ізгі жар мен оған лайық өмір нәсіп етсін! Ашу / Түсініктеме

2022-09-06 09:05:03 Шектеусіз шабыт

Филолог досым қызық заңдылық айтқан еді:
– Ақындар өлеңді таза шабытпен жазғанда ерекше туындылар жазады. Кейін өлең жазу туралы, ұйқас, буын саны т.б. ережелерді толық қамтуға тырысқанда өлең жазу қиын болып кетеді. Бұрынғыдай жаза алмай қалады, – дейді.

Бұл өлеңге ғана емес, өмірге де қатысты заңдылық болып көрінеді. Солай ма? Ашу / Түсініктеме

2022-09-05 19:24:18 Ерлердің ісі... Ашу / Түсініктеме

2022-09-04 15:56:26 Шарты көп адам шаршағыш келеді.
Реніші көп адам сыншыл келеді. Ашу / Түсініктеме

2022-09-04 09:05:27 Дән

Адам осы өмірде дән секілді. Топыраққа көмілгенде өсіп шығып, шынайы бейнесі көрініс табады.

Әркім әртүрлі қала, әрқилы сала, әралуан ортада жүргенімен, ішкі әлемін әрлеуге әрқашан мүмкіндігі бар.

Сыртқы әлем – уақытша көрме. Көрмеден тек жақсылықты көріп, өз болмысына ізгі қасиеттерді барынша сіңіре білу қажет. Ашу / Түсініктеме

2022-09-04 08:38:50 Рухы мықты тұлғалармен тілдесудің, ғаламдағы ақиқатты терең түсінудің, адамның өзін тауып және тануының бір құралы, руханият тамырына нәр беруші – кітап.

Басында адам жақсы кітаптар таңдайды. Кейін сол кітаптар өмірде ең жақсы таңдау жасауға көмек болады. Достаевкийдің "Маңызды кітаптарды оқыңыз, қалғанын өмірдің өзі реттестіреді" деген сөзі кітап күшін әдемі сипаттаған. Ашу / Түсініктеме

2022-08-31 17:04:05 Zhantore Rakymbek pinned «Сұрақ сананы оятады, білімге бастайды, ақиқатқа жол ашады. Толассыз сұрақ қою = қарқынды даму. Сұрақты екі адам ғана қоймайды: 1) ешнәрсе үйренгісі келмейтін; 2) жеткілікті білемін деп ойлайтын. Жауап – талпыныс. Талаптанған табады. Неғұрлым жауап…» Ашу / Түсініктеме