Атырауда әкесі мен баласы тапаншамен шабуыл жасаған қарақшыны ұстады
Олар қаладағы базар қоймаларының бірінде болған. Әкесі көлікте отырған кезде бетперде таққан, қолында пневматикалық тапаншасы бар белгісіз адам келіп, оны қорқытып, ақша талап еткен.
Мұны көрген жас жігіт әкесіне көмекке келді. Олар бірге қарақшының қаруын тартып алып, оны полиция келгенге дейін ұстап тұрған. Қазіргі уақытта 34 жастағы күдікті қамауда. Тергеу жүргізіліп жатыр.