2020-10-20 15:44:31
Тарихқа көз жүгіртсек, ислам дінін шартарапқа жаюда дін жанашырлары дағуаттың түрлі тетіктерін іске қосып, әрдайым жандандырып отырды. Алғашқы жаугершілік заманда дінді жаюда ғазауаттардың орны ерекше болды. Ал, ат тұяғы жетпеген жерлерге мұсылман керуендері жол тартып, сауда жасай жүріп, асыл дінімізді насихаттады.
Уақыт өте келе, асыл дінімізді іштей ыдыратушы ағымдар мен жала жабушы дін дұшпандары көбейген шақта, ислам ғұламаларының еңбектері діннің нығаюы мен уақыттың тезіне төтеп беруде айрықша рөл атқарды...
XXI ғасыр технология мен цифрландырудың қарыштап дамыған дәуірі. Интернет адам өмірінің ажырамас бөлігіне айналды. Мұны ертерек түсінген жат ағым өкілдері өздерінің жаңсақ пікірлерін таратуда ғаламторды тиімді пайдаланып, өз жақтастарын жиып үлгерді. Мысалы, осыдан 7-8 жыл бұрын діни ресурстардың 70-80 %-ы сәләфилік идеологияны насихаттады.
Бірақ ҚМДБ-ның жүйелі жасаған жұмысы нәтижесінде жоғарыдағы көрсеткіш кері пайызға өзгеріп, ғаламторда муфтиятқа тиесілі контенттердің саны артты. Әсіресе, карантин уақытында мешіттер жабылса да діни басқарма жамағаттың діни сауаты мен имани ахуалын күшейтуде талмай жұмыс істеп келе жатыр.
Осылардың арасында соңғы уақытта көзге жиі түсіп, жамағаттың разылығына бөленіп жүрген контенттердің бірден-бірі – Жанболат Сапашов ұстаз басшылық ететін «Орбита-3» мешітіне тиесілі @Mihrab.kz арнасы.
Әсіресе, Подкаст пен «Бір ғалымды көрсеңіз» жобасы діни аудиторияға тың серпіліс беріп, халықтың көңілінен шыға білді. Подкаст видеолары қысқа уақыт ішінде 500 000-ға жуық көрілім жинады.
Бұл Жанболат ұстаз бастаған ұжымның жемісті еңбек етіп жатқанының белгісі. Айтпақшы, Жанболат ұстаз туралы аз-мұз дерек айта кетейік:
@zhanbolat_sapashov ұстаз Ливан еліндегі Триполи қаласында діни ілімін шыңдаған. Бұл оқу орнынан еліміздің бетке ұстар қари-ғалымдары Еркінбек Шоқай мен Ерсін Әміре тәлім алған. Қазіргі таңда Алматы қаласы, Бостандық ауданы, «Орбита-3» мешітінің бас имамы.
«Ұлым дейтін ел болмаса, елім дейтін ұл қайдан шығады» демекші, асыл дінімізді насихаттауда талмай еңбек еттіп жүрген ұстазымыздың инста-аккаунтына жазылып, қолдау білдірейік, жамағат!
@zhanbolat_sapashov
@zhanbolat_sapashov
@zhanbolat_sapashov
https://www.instagram.com/p/CGkMNrsF8PJ/?igshid=r7o4nggslu2d
612 viewsӘбу Хафса әл Ханафи, 12:44
W
