2022-06-19 21:52:44
Универ таңдаудың 3 қағидасы
Маман бола салу - оңай нәрсе емес. Диплом - қолдана білген жанға әшейін қағаз емес. Ал бұларға жету үшін дұрыс тәлімгер табу - қиынның қиыны.
Оқимын деген ниеті бар, оқуға құлшынысы мықты түлек білім сапасы төмен, білімсіз ұстазға түсіп бар құлшынысын жоғалтып алады. Ал оқуға онша ниеті болмаса да, мықты универге, талапшыл ұстаздарға түскен студент өзі қаламаса да, басында білімі бар маман болып шығары анық.
Сондықтан, универді түріне қарап, танымалдылығына қарап, грантына еріп оңай таңдай салмау қажет.
Сол себепті сіздерге универ таңдаудың 3 қағидасын ұсынамыз:
Бірінші универді емес мамандықты таңдаңыз.
Кейбір түлектер бар, әуелі универді көріп “вааау, осында оқығым келеді” деп шешім қабылдап тастап, оқытатын мамандықтарының арасынан біреуін таңдай салады. Ал ол оған ұнай ма, ертең онын нан жей ме, шаруасы жоқ. Сондықтан әуелі мамандығыңызды, кейін сол мамандықты оқытатын үздік оқытушылары, профессорлары бар университетті таңдаңыз.
Өзіңіздің рейтингіңізді құрыңыз.
Шыны керек, интернетте рейтингтің түр-түрі бар. Оның бәрі шындыққа құралған деген сөз емес. Немесе үлкен, өте танымал порталдардан, немесе “тәуелсіз” блогерлерден қараңыз (кәдімгі актуалды білім саласына байланысты посттар жазып, сөз еркіндігін пайдаланып жүрген шын блогерлер). Кейін өз рейтингіңізді құрыңыз. “Қай универдің білімі жақсы, қай универ жұмыс тауып береді, қай универдің жатақханасы бар, қай универ сізге жақын, шектік балл қандай, шет елге жібере ме, мемлекеттік универ ме жеке ме, қай универдің түрі әдемі” деген сияқты өзіңізге қажет критерийлерді қойып, өз рейтингіңізді жасаңыз.
Барлық ақпаратты жинап шығыңыз.
Араларыңызда көбі “дайын асқа тік қасыққа” үйреніп алған. Бар нәрсені іздеуге ерінеді, бәрін алдында әкеліп, аузына салып беру қажет. Олай болмайды. Өзіңізге керек, болашағыңызға үлкен әсер ететін нәрсе болғасын ізденіп еңбектену қажет. Ұнатқан университеттің сайтын оқып шығыңыз. Қосымша мәліметтер, мақалаларды қараңыз. Ютубта кейде сол универде оқитын студенттер влог түсірген болуы мүмкін, оны қарап іздеңіз. Апаларыңыз, ағаларыңыз болса, іздеп сұрап көріңіз. Анализ жасаңыз.
Мектеп - балалық шағыңның мекені. Үлкен өмірің жұмыс жасап, өзіңді өзің толық асырай алатын жағдайға жеткеннен басталады. Ал осы екі ортада сені үлкен өмірге дайындайтын жер - университетет. 4 жылыңды (кейде одан да көп) құр босқа артқы партада ұйықтаумен, жатақханада жатумен, кешке қаңғумен өткізіп алғанша, шынымен сапалы білім алып, жақсы маман болып шығыңыздар.
8.6K views18:52
G
