Курс эмнеге кымбаттады? Урматтуу окурманым, эми жазайын б | Турат Алыбаев
Курс эмнеге кымбаттады?
Урматтуу окурманым, эми жазайын бул суроонун жообун.
Ооба, чынында сиздер туура эле жооп бериптирсиздер. Баанын өсүшүнө бир канча себептер бар.
Биринчиден, чынында окутуунун сапаты артты. Биз жаңы баштаганыбызда 2 эле адам жөн гана билгенибизди үйрөтөт элек. Азыр болсо, 1 мугалим ошол эле сабакты өтөт. 1 мугалим группаны көзөмөлдөйт, суроолоруна жооп берет, кыйналса жардам берет. 1 мугалим өтүлгөн ар бир тема боюнча макала жаздырат, аларды окуп чыгып, жакшыларын китеп кылып топтойт. Демек, окуунун аягында Кыргызча бир китепке авторлош болуп каласыз. 1 мугалим жалпы уюштуруп, мотивация берип, алдыга жетелеп, “ДОЛИНА СМЕРТИден” куткарып чыгууга далалат жасап турат. Андан тышкары дагы мурунку группаларда жакшы окуган катышуучулар да жардам кылып турушат. Булардын баары биринчи гана себеп. Кыскасын айтканда сапатына көңүл буруу максатында көбүрөөк адам кызмат кылат.
Экинчиден, мурун жөн гана окутсак, азыр иште эмнелер керек экенин аныктап, иште аксап жаткан программисттердин темаларын аныктап, ошого басым жасап окутуп калдык.
Курстун кымбатташына дагы бир себеп, мурда окуй бергилечи, жумуш табылып калар десек, азыр өзүбүз да ушул тармакта иштеп, заказдарды алып жасап жатканыбыз үчүн, эч жерден иш таба албаса, өзүбүздө иштетип турабыз деген ишеним пайда болду. Кыскасын айтканда жакшы окуса иш даяр.
Андан кийинки себептер болсо, бардык нерсе кымбаттап жатат. Азыр эч нерсе арзандаган жок. Аренда кымбат, айлыктар кымбаттап жатат, продукты кымбат, жашоонун өзү кымбат. Түнгө чейин офисте отуруп иштеп калсаң, үйгө кетишиң да кымбат
Бирок, акыркы саналган нерселер, курстун кымбатташына негизги себеп эмес, башында айтылгандар негизги себеп. Курстун сапатынын арткандыгы. Эч качан сапаттуу нерсе арзан болбойт. Бул курстун баасын билгендер билет, кымбат деп ойлоп жатсаңыз ал сиз үчүн кымбат, баркын жана баасын билгендер үчүн, өсөйүн, жакшы натыйжа чыгарайын дегендер үчүн кымбат деле эмес.
Айлык акыңыз, тапкан тыйыныңыз биздин курска жетпеши толук ыктымал, ага мен эч нерсе дей албайм, эгер акчаңыз жетпесе, анда эмнеге бекер ресуртарды колдонуп окубайсыз. Сөзсүз эле төлөмдү акча менен кылуу шарт эмес, убактыңыз менен, энергияңыз менен, акылыңыз менен да кылсаңыз болот.
Мисалы, биз окутуп жаткан нерсени өз алдынча окуп үйрөнүп алган адамдар жок эмес, өз алдынча үйрөнүп, жүргөн бир кызды биз ишке алып жатабыз, бизде окуган эмес, бизге акча берген эмес, бирок акысыз ресуртарды, арзан ресуртарды колдонгон. Ал кыз ошол кетирген убактысында башка иш кылса балким акча табат эле, анан биздин курска жазылат эле, ал антип күтүп отурган жок, окуду, жакшы натыйжа чыгарды, азыр болсо иш менен камсыз болуу алдында турат.
Окуу, билим алуу, өнүгүү бир гана 15 миң сом менен өлчөнбөйт. Сиз өзүңүздү өнүктүрүү үчүн кантип төлөп жатасыз, ошону билишиңиз кажет. Сиз Йутубдан акысыз карап отурганыңыз деле кандайдыр бир деңгээлде акы төлөө болуп эсептелет, ошону анык билишиңиз кажет.
Комментарийге жаза кетиңиз, сиз кантип төлөп жатасыз?
Өзүңүздү өнүктүрүңүз, өлкөнүн өнүгүүсүнө салым кошуңуз!
Турат Алыбаев, Бишкек шаары, 30-июнь, 2022-жыл.
