2022-07-15 18:47:59
Қазақ тілінде
ШӘКІРТ ҚАБЫЛДАЙМЫН.
Өз біліміммен бөлісетін кез келді. Тәлімгерім Марғұлан Сейсембайдың ақ батасымен мен өз тәлімгерлігімді бастадым. Өтірік айтпай-ақ қояйын, мақсатым - табыс табу.
Біріншіден, басқаларды оқыту арқылы өзің де үнемі ізденіс үстінде боласың. Ал менің бизнесте тәжірибем көп, 15 жылдан астам. Кез келген оқу екі жақ үшін де тиімді, мен де ұстаз ретінде шәкірттерімнен көп нәрсені үйренемін.
Екіншіден, мен біліміммен бөліскенді жақсы көремін: маған тыңдарман керек, кеңесімнің біреуге септігі тисе, мен үшін одан асқан бақыт жоқ. Егер тәжірибең, кеңесің, берген білімің басқаға пайдалы болып, саған алғысын білдіріп жатса, керемет қой?
Үшіншіден, айналама мақсаттары бір, дамуға құштар, бизнес, бақыт және жетістіктер туралы айтатын жандарды жинағым келеді. Өйткені, біздің тұлға болып қалыптасуымызда ортаның маңызы зор.
Төртіншіден, мен бір өмірлік құпияны білемін. Әлемге қандай да бір пайдамыз тисе, біз де бақытты өмір сүреміз. Сол себепті, мен өзгелерге беру арқылы өзім қуат аламын.
Барлығын алмаймын, шын мәнінде жұмыс істеуге дайын, осы білімге мұқтаж жандарды ғана таңдаймын.
Ол адамдармен кездесіп, әңгімелесеміз.
Тәлімгерлік 5 бағыт бойынша болады:
► Жеке тиімділік
► Жеке бренд қалыптастыру
► Команда құру
► Операционкадан шығу
► Бизнесті масштабтау
Жеке тәлімгерлікке 3-жылдан астам жұмыс істеп келе жатқан, жылына 50.000$ айналымы бар, құндылығымыз бір, нағыз тарихи екпін жасайтын 10 адамды ғана аламын.
Басқа оқырмандарым үшін күнде тәжірибеммен бөлісетін бұрынғы телеграм каналым toskanbayev өзгеріссіз қалады.
Қатысуға өтінім қалдыру үшін https://toskanbayev.taplink.ws/p/9ea624/
ТЕКСТ НА РУССКОМ ВЫШЕ
244 views15:47