Бүгіннен бастап Ashyq қызметін Kaspi.kz қосымшасында пайдалануға болады
Жаңа қызметті пайдалану үшін Kaspi.kz қосымшасында Kaspi QR-ды ашып, Ashyq жобасына қатысатын нысан, мекеменің кіре берісіндегі QR-кодты сканерлейсіз. Одан кейін смартфон экранында қоғамдық орынға кіру немесе шектеу бары туралы ақпарат пайда болады.
Егер кіруге рұқсат берілсе, нысан қызметкеріне уақытша рұқсаттаманы көрсетіп, 5 минут ішінде кіру керек.
Өз статусыңызды кез-келген уақытта Kaspi.kz қосымшасында QR-кодты сканерлеусіз тексере аласыз. Ол үшін «Мемлекеттік қызметтер – Ashyq. Коронавирус бойынша статус» бөліміне кіру керек.
Бұл Kaspi.kz командасы цифрлық даму министрлігімен бірлесіп жүзеге асырған үшінші жобасы. Бұған дейін Kaspi.kz қосымшасында ЖК ашу және автокөлікті қайта тіркеуді іске қосты.