2022-05-15 18:20:03
#Repost @ruslan_yemelbayev with @make_repost
・・・
Құрметті достар!
Ертең 2022 жылғы негізгі ҰБТ-ның алғашқы күні.
ҰБТ-ға тіркелу 28 сәуір мен 14 мамыр аралығында жүргізілді.
Нәтижесінде 282 мыңнан астам (бірінші мүмкіндікке 157 мың, екінші мүмкіндікке 125 мың) өтініш қабылданды.
Кеше біз соңғы тіркелушілерге 23:59-ға дейін ақпараттық қолдау көрсеттік. Жалпы, өтініш қабылдау жүргізілген 17 күн ішінде 50 мыңға жуық сауалға жауап бердік.
Сіздер үшін басқа қандай жағдайлар жасалды? Бұл туралы міне жарты жыл бойы әлеуметтік желілердегі парақшаларымда және бұқаралық ақпарат құралдарына берген сұхбаттарымда айтып келемін.
Сонда да, тағы бір рет негізгі ҰБТ-дағы өзгерістер туралы еске сала кетсем:
2022 жылы талапкерлер маусым айындағы ҰБТ-ны екі рет тапсыра алады;
Әр тестіленуші ҰБТ-ның күнін, уақытын және орнын өз еркі бойынша белгіледі;
Сіздер үшін білім беру орталықтарының қолдауымен тегін онлайн сабақтар жүргізілді;
Дайындықтың тиімділігі үшін тегін байқау сынақтары іске қосылды;
Ал бүгін тестілеудің күнін, уақытын және бейіндік пәндерін еске салатын SMS жолданады. Сондай-ақ, SMS кәмелеттік жасқа жетпеген тестіленушілердің ата-анасына да жіберіледі;
ҰБТ-ның барысын ата-аналар онлайн-трансляция арқылы бақылай алады.
Академиялық адалдықты сақтау мақсатында әр тестіленушінің жеке тест нұсқасы болады. Осылайша, біз ҰБТ-ның әділ өтуін қамтамасыз етеміз;
Сонымен қатар, жүйеге енгізілген калькулятор, Менделеев кестесі, тұздардың ерігіштігі кестесін қолдануға болады;
ҰБТ аяқталғаннан кейін экранда, сонымен қатар Жеке кабинетте жеке тақырыптық талдау ұсынылады. Бұл - келесі тест алдында қателіктермен жұмыс істеуге керемет мүмкіндік;
Ерекше білім беру қажеттіліктері бар балаларға қосымша тестілеу уақыты (40 минут) берілді. Сондай-ақ, оларға суретсіз, диаграммаларсыз және сызбаларсыз тест нұсқалары жасалды;
Тестілеу аяқталған соң нәтижелеріңізді бірден көріп, қажет болған жағдайда 30 минут ішінде апелляцияға өтініш бере аласыздар.
Қалауыңыз бойынша ҰБТ-ға су және шоколадпен кіру рұқсат етіледі.
Барлық ҰБТ-ға қатысушыға сәттілік және 140 балл тілеймін!
Дереккөз: ҰТО парақшасы
109 viewsДаулет Махамбетжан, 15:20