2022-08-11 09:41:24
ФЕЙК: 11-13 тамыз аралығында аптап ыстық боладыСоңғы күндері әлеуметтік желіде 11-13 тамыз аралығында сағат 2-ден 5-ке дейін аптап ыстық болады деген хабарлама таралуда. Бұл жазбада тағы да, түнгі сағат 12:30-бен 03:30 аралығында ұялы телефондарды өшіру керектігі айтылып, ақпарат Қытайда ССTV 13 арнасында расталған делінген. Хабарлама тұрғындар арасында тез тарап, алаңдаушылық туғызуда.
”Қазгидромет” РМК баспасөз қызметі бұл хабарламаны жоққа шығарып, жалған ақпарат екенін хабарлады. Сонымен қатар, Қазақстан бойынша 11-13 тамыз аралығына арналған ауа-райы болжамын ұсынды.
- Солтүстік-батыс антициклон жотасы республиканың батыс, солтүстік-батыс жартысына әсер етеді, сондықтан алдағы тәулікте мұнда негізінен құрғақ және шуақты ауа райы күтіледі. Ауа температурасының негізгі аясы күндіз: батыста +30 +38°С, солтүстік-батыста +23 +35°С, солтүстікте +20 +28°С, орталықта +23 +33°С, шығыста +18 +28°С, оңтүстікте, оңтүстік-шығыста +23 +35°С шегінде, таулы аудандарда +13 +20°С. Маңғыстау облысы бойынша ауа-райы болжамы: жауын-шашынсыз. Оңтүстік-шығыстан 9-14, күндіз облыстың оңтүстігінде 15-20 м/с жел соғады, түнде ауа температурасы +21+26, солтүстік-шығыста +18, күндіз +30+35, солтүстік-шығыста +38 -, деді Қазгидромет баспасөз қызметі.
882 viewsedited 06:41