SN.KZ - Күннің басты жаңалығы

2022-08-03 12:56:39 Нэнси Пелоси Тайваньнан ұшып кетті

Бейресми сапарының барысында ол әкімдік басшысы Цай Инвэньмен кездесті.

Ал ҚХР арал жанынан әскери жаттығуларын бастады. Ашу / Түсініктеме

2022-08-03 10:31:57 Энергетика министрі Болат Ақшолақовтың айтуынша, Атом Электр Станциясын салу үшін Түркия, Франция, Оңтүстік Корея, Біріккен Араб Әмірліктері мен Ресей сынды бес елдің технологиялары қарастырылуда Ашу / Түсініктеме

2022-08-03 10:30:48 АЭС: Қазақстан АҚШ-тың технологиясынан бас тартты

Энергетика министрі Болат Ақшолақовтың айтуынша, әлі де болса қандай да бір елдің технологиясы таңдалған жоқ. Бес елдің технологияларының жақсы және жаман жақтары қаралып жатыр.

«Әзірге бір нәрсені айта аламыз. АҚШ ұсынған технологияны бұдан әрі қарастырмауға шешім қабылдадық. Себебі онда референтті блок жоқ. Демек, бұл технология бойынша салынған және өзінің сенімділігі мен тұрақтылығын көрсететін станция жоқ. Дегенмен бұл технологияның өзіндік артықшылықтары бар. Біз олармен мүлде ара қатынасымызды үзбейміз, тек басқа жобалар шеңберінде жұмыс істейтін шығармыз», - деді Ақшолақов. Ашу / Түсініктеме

2022-08-03 10:28:59 Әлеуметтік желіде ерекше ұрлық қызу талқыға түсті.

Ер адам үстелдің үстінде тұрған бағалы заттарды емес, тамақтарды ұрлап кеткен.

Оқиға жергілікті дәмханалардың бірінде болған. Видеодан қыз отырған үстелге ер адамның келіп отырғанын көруге болады. Үстелде телефон, әмиян мен сөмке тұрғанына қарамастан, ол бургер, тауық еті мен фриді алып кеткен. Ашу / Түсініктеме

2022-08-03 07:50:18 Нэнси Пелоси Тайваньға қолдау көрсетуге уәде берді

АҚШ Өкілдер палатасының спикері Нэнси Пелоси АҚШ Тайваньға қолдау көрсетуден бас тартпайтынын және АҚШ-тың Тайваньда және бүкіл әлемде демократияны сақтау жөніндегі міндеттемесі «бұзылмайтынын» айтты. Ашу / Түсініктеме

2022-08-03 07:44:33 2023 жылдан бастап «Әскерге тіркеу билеті» қолданыстан алынады.

ҚР Қорғаныс министрінің орынбасары Дархан Ахмедиев Орталық коммуникациялар қызметінде өткен брифингіде осындай мәлімет айтты.

«Мемлекеттік базалармен интеграция жасау арқылы Әскери билет рәсімдеу процесінің көлемі 2-3 есе азаяды. Одан бөлек Әскери билетке дейін Әскерге тіркеу билеті деген бар. Келесі жылы сол тіркеу билетін мүлдем алып тастағымыз келіп отыр.

Мысалы, қазір 17 жастағы әскер қатарына шақырылмаған азаматтар медициналық тексеруден өтеді. Содан кейін денсаулығына қарай қай әскери комиссариатқа тіркелгені айтылып, тіркеу билеті беріледі. Бірақ келесі жылдан бастап осы процесті басқаша жасамақшымыз. Ондай ұғымның өзін алып тастаймыз. Әскерге тіркеу билеті деген болмайды», - деді министрдің орынбасары. Ашу / Түсініктеме

2022-08-03 06:02:46 Қазақстанда 2661 адам коронавирус жұқтырған.

Ең көп ауырып жатқан қалалар:

Нұр-Сұлтан - 949,
Алматы – 446,
Қарағанды ​​облысы – 344. Ашу / Түсініктеме

2022-08-02 20:23:00 Пелоси өзінің Тайваньға сапары туралы түсініктеме берді.
⠀
Оның сөзінше, сапары АҚШ-тың аралға қатысты саясатына қайшы келмейді.
⠀
Дегенмен ҚХР СІМ оның Тайваньға келуін Қытайдың егемендігін, территориялық тұтастығын бұзу деп санайтынын мәлімдеді.

Сонымен қатар министрлік Пелосидің бұл сапары үшін АҚШ пен Тайбэй жауап беретінін хабарлады. Ашу / Түсініктеме

2022-08-02 14:32:41 Ресейдің бұрынғы министрі Дмитрий Медведевтің ВКонтактіде жарияланып, артынша өшірілген посты

Көмекшісі оның парақшасын біреулердің бұзып, аталған жазбаны жариялағанын, қазір әлеуметтік желі әкімшісі арқылы мәселені анықтап жатқанын мәлімдеді. Ашу / Түсініктеме

2022-08-02 13:00:43 Бүгін Қорғаныс министрлігінің жауапты өкілдері баспасөз мәслихатын өткізді. Журналистер спикерлерден әскердегі өлім-жітімнің көбейіп кетуіне байланысты сұрақты көбірек қойды.

"Стаститика бар. Басты медициналық басқару бастығының жинаған мәліметін келтірейін: Осы жылдың 5 айында Қазақстанда 4318 адам өзіне қол салған. Оның ішінде Қарулы күштер қатарынан 4 адам бар. Тағы 4942 адам суицидке бармақ болған. Яғни, Қарулы күштердегі суицид жағдайларының үлесі 0,1 ғана. Бірақ мен бұл сандармен ақталғым келмейді", - деді ҚР Қорғаныс министрінің орынбасары Дархан Ахмедиев.

Вице-министрдің айтуынша, әскердегі өлім-жітім жағдайлары бойынша динамика өсімі байқалмаған.

”4 жағдай бойынша екеуіне – отбасылық-тұрмыстық ұрыстар себеп болған. Қалған екеуіне қатысты қазір тергеу амалдары жүргізіліп жатыр. Бізге 18 жастағылар мерзімді әскери қызметке келеді. Жас сарбаздарда 9 млн теңге несие болады. Бұл бір себеп. Осындай проблемалар сондай қайғылы жайттарға себеп болып жатады. Бірдеңе деу қиын", - дейді Дархан Ахмадиев. Ашу / Түсініктеме