Alash.KZ

2022-10-06 05:53:00 Оралда 10-сынып оқушысы сабақ үстінде қайтыс болды. Жедел жәрдем шақырғанымен, баланы аман алып қала алмады.

AstanaTV-ның мәліметінше, мектеп басшылығы баланың бұрыннан науқас екенін, арнайы есепте тұрғанын айтады. Бірінші ауысымда оқитын 15 жастағы Даниял өзге балалармен бірге сабақ басталғанша дәлізде жүрген. Кейін қоңырау соғылып, сыныпқа кірген. Барлығы өз орындарына жайғасып, сабаққа дайындалып жатқан кезде жеткіншек ес-түссіз құлап түскен.


Мамандар 40 минуттай ем-дом жасаған. Бірақ баланы ажалдан құтқарып қала алмады.

Орал қалалық №10 мектептің медбикесі Нұргүл Байғанатова: «Оқушы бізге 20-мектептен биыл қыркүйекте ауысып келді. Дәрігердің есебінде тұратын бала. «Паралич РВ» деген диагнозбен есепте тұрады. Ата-анасы жазда қаратқан, емін алған. Біз барынша көмек көрсеттік алғашқы көмекті. Көзінің қарашығын қарадым. Көзі қызарған, жасанды тыныс алдырып, жедел жәрдем келгенше сондай көмек көрсеттік», – дейді Ашу / Түсініктеме

2022-10-04 06:19:56 Ресейден келгендер ақша төлеп, Қазақстан азаматымен жалған некеге тұра ала ма?

Қазақстан азаматтығын алу оңай емес. Кейінгі кезде Ресейден келгендер ақша төлеп, Қазақстан азаматымен жалған некеге тұрғысы келетіні жайлы жиі айтылып жүр.

КТК арнасының дерегінше, заңгерлер өтірік отау құру арқылы азаматтыққа қол жеткізу мүмкін еместігін айтады. Азаматтық алу үшін кем дегенде үш жыл некеде болуы керек.

Соңғы уақытта әлеуметтік желіде тарап жатқан видео көп. Жұртшылық оны әзіл-қалжың ретінде қараса, енді бірі қалтасын қампайтқысы келетінін жасырмайды. Алайда заңгерлер тығырықтан шығудың жолы бұл емес деп отыр. Яғни, азаматтыққа қол жеткізу үшін жарымен мың күн бірге өмір сүруі керек.

Өзге мемлекеттен келген азаматтардан ең алдымен нотариалды куәландырылған құжаты сұралады. Сондай-ақ өз елінің консулдығынан берілетін некеге құқық қабылеттілігі туралы қағазы болуы шарт. Ашу / Түсініктеме

2022-10-03 06:38:57 Ақтау орталығында Ресей азаматын тонап кетті

Ақтау орталығында Ресей азаматы қылмыскерлердің құрбаны болды. Бұл туралы Лада сайты жазды.

Әлеуметтік желіде 11-шағын аудандағы No39 үйде Ресей Федерациясынан келген шетелдікті тонау оқиғасы орын алғаны белгілі болды.

ПД бұл оқиғаны растады. Аталған факті бойынша жедел-іздестіру шаралары жүргізілуде. Ашу / Түсініктеме

2022-09-29 06:34:33 Мобилизациядан қашып келгендерге заңсыз ҚР паспорты сатылған ба?

Ресейде жарияланған ішінара мобилизацияға байланысты қырғыз елінің әлеуметтік желідегі чаттарында ҚР паспорты сатылатыны жайлы ақпарат шыға бастаған. Бұл туралы 28 қыркүйек күні Жоғары Кеңесте депутат Эльвира Сурабалдиева айтты деп хабарлайды kaktus.media басылымы.

Депутатты мемлекеттік органдардың осы мәселені тексерген-тексермегені алаңдатқан.

Цифрлық даму министрінің орынбасары Айдар Мамбеткадыровтың айтуынша, бұл жағдайды тексергенін және оның Қырғыз республикасына қатысы жоқ паспорт екенін мәлімдеген.

«Қалай қатысы жоқ? Бұл деген біздің еліміздің беделіне нұқсан келтіреді. Ендеше ол алаяқтарды ұстау керек», – деп жауап берген депутат.

Министр орынбасары оның басқа елге тәуелде екенін және онымен құқық қорғау мекемелерінің жұмыс істеп жатқанын айтқан. Сонымен қатар, оларды тексеру барысында базадан ешқандай мәлімет таппағанын мәлімдеді. Ашу / Түсініктеме

2022-09-29 06:32:46 ҰҚК басшысы Парламентке екі жәшік автомат алып келген

Жогорку Кенеш депутаты Адахан Мадумаров Қырғыз Республикасы Ұлттық қауіпсіздік комитетінің басшысы Камчыбек Ташиевтың Парламентке автоматтары бар екі жәшік әкелгенін мәлімдеді, деп хабарлады informburo.

Мемлекетте ғана емес, Жогорку Кенеште де қиын жағдай қалыптасты. Соңғы рет ҰҚК басшысы Парламентке автоматтар салынған екі жәшікті сүйреп апарды. Бұл – жабайылық. Біз заң шығарушы ретінде әрбір адамның іс-әрекетінің заңдылығына баға беруіміз керек. Олай жасай алмасақ, онда біз өз жұмысымызды орындай алмағанымызды мойындауымыз керек, – деді қырғыз депутаты.

ҰҚК басшысы Парламентке неге қару алып келгені белгісіз болып отыр. Ашу / Түсініктеме

2022-09-28 08:28:53 «Ресейдің бір бөлігі Қытайға өтеді»: Сарапшы

Әскери сарапшы Олег Жданов бірнеше жылдан кейін Ресейдің бір бөлігі Қытайға өтеді деп болжайды.

Бұл туралы ол өз арнасында мәлімдеді.

Жданов бұл референдум арқылы да болуы мүмкін деп санайды.

«Қытай ешқашан Ресейге қарсы ашық әскери экспансияны жүзеге асырмайды, сондықтан оны агрессивтілік үшін айыптамайды. Қытайда мұндай философия жоқ… Екі жыл қалды және шығыс Сібір мен Қиыр Шығыстың оңтүстік бөлігі оның юрисдикциясына жасырын түрде өтеді», — деді ол.

Жданов Путиннің барлық әскерлерді Украинамен соғысқа шығарғанын еске салды.

«Путин Пандораның қорабын ашты. Енді алдағы уақытта олар Ресейді Қытай Халық Республикасының бір бөлігі деп шешім қабылдайды. Қытайлықтар референдум өткізіп, «бұл Қытайдың жері» деп мәлімдейді», — деді сарапшы. Ашу / Түсініктеме

2022-09-28 08:26:46 Бір аптада Алматыға қанша ресейлік келді, Алматы әкімдігі жауап берді

Қала билігінің хабарлауынша, әкімдік Ресей азаматтарының келуіне арнайы жоспар дайындаған.

"22 қыркүйек пен 27 қыркүйек аралығында Алматыға Ресей Федерациясының 5066 азаматы келіп, 4172 -сі кетті . Қалада 894 ресейлік қалды. Бұл біздің қала үшін аз көрсеткіш. Алматының барлық қызметтері дайын және барлық қажетті шараларды орындауда. Мемлекеттік органдар заңға және халықаралық міндеттемелерге сәйкес барлық қажетті көмекті көрсетеді. Яғни, ешқандай ауыртпашылық болмайды», - деді Алматы қаласы әкімінің орынбасары Арман Қырықбаев.

(Фото: Тұрар Қазанғапов) Ашу / Түсініктеме

2022-09-26 06:16:37 Солтүстік Қазақстанда Ресеймен шекара жабылды

Солтүстік Қазақстан облысындағы Қазақстан-Ресей шекарасы жабылды, деп хабарлады Orda.kz.

Такси жүргізушілері мен дереккөздердің айтуынша, Ресей тарапы шекарадан әскер жасындағы ер адамдарды өткізуді тоқтатқан.

Расталмаған ақпарат бойынша, шекарада Ресей жағынан өте алмағандардың барлығын күтіп отыр. Олар дереу автобуспен әскери комиссариаттарға жеткізіледі.

Еске салайық, бұған дейін ФСБ шекарашылары әскери комиссариаттардың талабы бойынша ресейліктердің елден шығуына тыйым сала бастады. Шекараларды жабудың ең ықтимал күні референдумнан кейінгі 28 қыркүйек болды. Осыдан келіп, бүгінде ресейліктердің шекарадан өтуіне неліктен тыйым салынғаны түсініксіз. Ашу / Түсініктеме

2022-09-23 06:37:12 Нұрсұлтан Назарбаев туралы деректі фильм «Қазақстанның тұңыш президенті – Елбасы қорының» тапсырысымен түсірілген. Бұл ақпаратты Ұлттық киноны қолдау орталығы растады.

Назарбаев жайлы фильмді режиссер Оливер Стоун түсірген. Ұлттық киноны дамыту орталығының мәліметіне сәйкес, орталық жобаны өндіру, таныстыру және тарату бойынша операторлық қызмет көрсету туралы Елбасымен келісім жасасқан. Ал шарттың жалпы құны 2,7 миллиард теңге.

Фильм түсірілген уақытта «Оливер Стоунның деректі фильмі – Қазақстан» деген атау алса, 2021 жылы "Qazaq: Алтын адам хикаясы" деген атаумен жарыққа шықты.

Дереккөз: Власть сайты Ашу / Түсініктеме

2022-09-22 08:31:19 Қазақстан мен Ресей шекарасында ұзын-сонар кезек пайда болған.

Мобилицазиялауға қатысты Путиннің мәлімдемесінен кейін Ресейдің ірі қалаларында көтерілістер болды.

Мұндай жағдай тек Қазақстан шекарасында емес, Моңғолия мен Ресей шекарасында да орын алған.

Ал әуе рейстеріне билет мәлімдеме жасалған сәттен бастап, 2 сағаттың ішінде таусылып кеткен. Ашу / Түсініктеме