2022-07-31 21:18:33
#Сиз_ушын
Улы асханада аўқат таярлап атырған анасының алдына жуўырып келди де, қалтасына бир бет қағаз салып кетти.
Анасы әсте күлимсиреп қойды да, қолларын сыпырып, бир шетте турған креслоға отырды. Асықпастан қалтасындағы қағазды алып, онда жазылған сөзлерди оқый баслады. Қағазға мына сөзлер жазылған еди:
- Үйдиң әтирапын тазаладым - 2000 сўм.
- Бөлмемди жыйнастырдым - 1500 сўм.
- Шығындыларды шығарып тасладым - 1000 сўм.
- Нан алып келдим - 800 сўм.
- Қоңсыларға жәрдем бердим - 600 сўм.
- Үкемди бақшадан алып қайттым - 600 сўм.
- Үй ўазыйпасын орынладым -1500 сўм
- Ҳәммеси болып 8000 сўм = қарызсыз.
Бир шетте анасын дыққат пенен бақлап турған бала "енди пулымды берсе керек" деп ойлар еди.
Бирақ анасы отырған жеринде ойға шүмди, бир майдан солай отырды да, кейин қолына қәлем алып қағаздың артқы тәрепине жаза баслады:
- Тоғыз ай ҳәмме аўырыўларға шыдап, толғақ азабын тартып, өлимге де разы болып, сени дүньяға келтирдим - ТЕГИН.
- Түни менен жылаған ўақытларыңда, кесел болан ўақытларыңда уйқыламастан ҳәрдайым сен менен бирге болдым - ТЕГИН.
- Сени жуўындырдым, бәрҳа таза туттым, кийимлериңди жуўдым, утюгледим - ТЕГИН.
- Ойыншықлар, аўқат, кийим алып бердик - ТЕГИН.
- Жүрип баслағаныңда сени жығылып түспесин деп қәўетер алғанларым, артыңнан жуўырғанларым ҳәм ҳәттеки ҳәзирге шекем қәўетерленгенлерим - ТЕГИН.
- Ең тийкарғысы ЖАНЫМ БАЛАМ, МЕНИҢ ЖҮРЕК ТОЛЫ, ШЫН ҚӘЛБТЕН САҒАН БОЛҒАН АНАЛЫҚ МЕҲИР-МУҲАББАТЫМ - ТЕГИН.
Ана усы сөзлерди жазып болды да, қағазды улының қолына услатты.
Улы оқыды да, жас толы көзлери менен анасына телмирди ҳәм өзин анасының қушағына атты.
- АНАЖАНЫМ МЕН СИЗДИ ЖҮДӘ ЖАҚСЫ КӨРЕМЕН - деп қушақлады.
Көзлериндеги жасларын артар екен, улы қағаздағы өзиниң жазғанларының астына:
- ҲӘММЕСИ ТӨЛЕНДИ!!!
- БУЛ ГӨЗЗАЛ ӨМИРДЕ ЖАСАП АТЫРҒАНЫМ УШЫН АЛЛАҒА ШҮКИРЛЕР БОЛСЫН, БУЛ ЖАҚТЫ ДҮНЬЯНЫ АЛЛА МАҒАН КӨРИЎДИ НЕСИП ЕТКЕНИ УШЫН АЛЛАҒА ШҮКИРЛЕР БОЛСЫН, МЕН АНАМНАН ҚАРЫЗДАРМАН!!! - деп жазып қойды.
Жўўмақ ҳәрбир оқыған адамның өзинен.
2.0K views18:18