2021-12-06 04:17:48
Грант жайлы Жаңалықта қалай айтылды?
“Бұдан былай жоғарғы оқу орнына бөлінетін гранттар тоқтатылды.
Енді оқу гранты түлектерге беріледі. Талапкер оқу орнын өзі таңдайды.”
Деген ақпарат талапкерлер арасында қызу талқылануда.
Журналист сәл дұрыс түсіндірмеді.
⁃ Осыған дейін де грант оқу орнына емес, білім беру тобына бөлінетін.
⁃ Осыған дейін де талапкер оқу орнын өзі таңдайтын еді.
Сонда не өзгерді? Білім және ғылым минстрі Асхат Аймағамбетов не туралы айтты?
Негізі білім беру гранттарын қаржыландыру жүйесіндегі өзгеріс жайлы айтылған еді.
Мысалы, сіз ҰБТ-дан жақсы нәтиже көрсетіп білім грантын ұтып алдыңыз. Сосын мемлекет сіздің оқуыңыз үшін университетке ақша аударады.
Бірақ студент тегін оқып жатырмын деп ойлайды. Негізі оқу тегін емес, сіз үшін оқу ақыңызды мемлекет төлейді.
Енді соны студенттер тегін емес екенін түсіну үшін, алдымен оқу ақысы студентке аударылады. Тура стипендия картаңызға түскен сияқты оқу ақысы да түседі. Кейін студент сол ақыны университетке өзі аударады.
Аса ақылдылар үшін айта кететін жайт, оқу ақысын картадан шығарып алып жұмсай алмайсыз, немесе басқа жаққа аудара алмайсыз.
Сонымен, грант конкурсына байланысты әзірге ешқандай өзгеріс жоқ. Егер қандай да бір өзгеріс болатын болса біз міндетті түрде жариялаймыз.
174 viewsLoial_0_0, 01:17
J
