«Ҳаж - 2024» мәўсими ушын оқыў-семинарының екинши күни даўам етпекте Алдын хабар бергенимиздей, Хорезм ўәлаятындағы “Имам Фахриддин ар-Розий” медресесинде Қарақалпақстан Республикасы ҳәм Хорезм ўәлаятынан Ҳаж мәўсими ушын бириктирилген топар басшылары қатнасында 2 күнлик оқыў-семинары болып өтпекте. Усы семинардың екинши күнинде Өзбекстан мусылманлары басқармасы Мешитлер менен ислеў бөлими баслығы Музаффар домла Камалов, Қарақалпақстан мусылманлары қазыяты қазысы Бахрамаддин Разов, Хорезм ўәлаяты ўәкили Хайрулла домла Абдуллаев ҳәм диний тараў хызметкерлери қатнасты. Ушырасыўда топар басшыларына Ҳаж мәўсиминдеги зәрүрли ўазыйпалар еслетилди. Зияратшыларға Исламның бесинши парызы болған Ҳаж ибадатына пуқта таярланыў, Ҳаждың парызлары, ўәжиблери ҳәм сүннетлерин ҳәр тәреплеме түсиндирилиўи зәрүр екени айтып өтилди. Соның менен бирге, ҳаж сапарына тийисли нызамшылық ҳәм басқа норматив ҳүжжетлерди де пуқта билиў уқтырылды. Қарақалпақстан мусылманлары қазыяты Бизди социаллық тармақларда бақлап барың! Телеграм| Facebook| Instagram| Youtube Интернет сайтымыз: paziylet.uz 14.5K views10:17
