2022-07-30 16:19:14
ХVII ғасырда әлемде gold rush басталып еді. Яғни "алтын дүрмегі". Латын Америкасы елдері, кейін Ресейдің Сібірі мен Оңтүстік Америка, Аустралияда болды. Ғасырлар бойы Еуропадан алтын өндіруге мыңдаған адам аттанды. Атысты, өлді, қырылды. Ол алтынды заңсыз игеру кезеңі болатын. Бір грамм алтын үшін бір тайпаны қыра салатын дәуірлер еді.
Қазір жалюзді ашсақ далада өркениетті заман. Кез келген кәсіпті жүргізудің жолдары бар. Оны ашу, құжаттық негізде рәсімдеу, салығын төлеу, ондағы жұмысшыларға техникалық қауіпсіздікті түсіндіру және апат болса өтемақы төлеу деген сынды түрлі талаптар бар заман. "Заңсыздық кезеңі келмеске кетті"...деп жүрсем, олай емес сияқты.
Шығыста туып-өскен қазақ ретінде мына мақалаға назар аудардым. Онда халық президентке хат жазыпты. Қысқаша былай дейді: "Біз Маралды ауылының тұрғындары, ауылдық округіміздің аумағында заңды негізде жұмыс істеп жатқан жеке кәсіпкер мен заңсыз жолмен алтын қазумен айналысатын қылмыскерлердің мүдделері текетіреске түскен қазіргі жағдайдың құрбаны болып отырмыз. Себебі алтын кен орны дәл біздің ауылда орналасқан. Бұрын мұнда алтын өндірумен тек заңды белден басқандар ғана айналысатыны ешкімге де жасырын емес еді. Ал ауданымыз бұрын-соңды дамыған аудандардың қатарынан көрінген емес, ауыл тұрғындарына жұмыс жетіспей келді. Алайда мұнда бізді жақсы мүмкіндіктермен қамтамасыз ете алатын алтын өндіруші компания келе салысымен оның қызметіне жергілікті қылмыскерлер қарсылық көрсетті" дейді. Толық мәтіні сілтемеде. Әрине барлығы заңды болуы керек, "қылмыскерлер қарсылық көрсетті" деген не сұмдық мына өркениетті заманда.
Президент Inform.kz қарайтын шығар, халықтың мына хатына көз жүгіртер деген ойдамын. Үміттенемін...
https://www.inform.kz/kz/maraldy-turgyndary-prezidentke-undeu-zholdady-zansyz-altyn-kazushylardy-zhugendeu-kerek_a3955026?fbclid=IwAR0gP4rAsbQf-shS609gHoDb54lgnxakfRR5LGlN4EcjR4ruL6IUOjg0_VM&fs=e&s=cl
1.5K viewsAlash KZ, 13:19