Qazaq köşınıñ Türkiağa qonystanğanyna biyl – 70 jyl. Osyğan or | «Otandastar Qory»

Qazaq köşınıñ Türkiağa qonystanğanyna biyl – 70 jyl. Osyğan orai Türkianyñ Stambūl qalasynda arnaiy ıs-şara öttı.

Saltanatty jiyn Qazaqstan jäne Türkianyñ änūrandarymen jäne köş qūrbandaryn bır minut ünsızdıkpen eske alu jäne qūran bağyştaumen bastaldy. Ğasyrlar boiy Qytaidy mekendegen qazaqtar 1930 jyldardyñ aiağynda sol kezdegı bilıktıñ quğyn-sürgınıne bailanysty qonys audaruğa mäjbür bolğan edı. Talai qiyndyqty bastan keşken olar Taklamakan şölı, Tibet Gimalaiy, Ündıstan men Päkıstandy mekendedı. Arab teñızı arqyly İrakqa, odan ärı Türkiağa jettı. Türkianyñ Ministrler Keñesınıñ 1952 jylğy 13 nauryzdağy şeşımımen qazaqtar bauyrlas türık elıne qonys audardy. Qandastarymyz ainalysatyn käsıbıne, qolönerıne bailanysty Aqsarai Sūltanhany, Kaiseridıñ İähäly, İeşilhisar jäne Develi audandaryndağy Konia İsmil jäne Könä Eregli Zengen auylyna, Manisa Salihlige jäne Nigde Ulukyşla Altai auylyna qonystandy. Qytaidan bastapqyda köşı-qondy bastağan qazaqtardyñ ūzyn sany 25 myñğa juyq bolğan. Alaida olardyñ tek 1 892 adamy ğana ülken tragediany bastan keşırıp, Türkiağa jete aldy. Olardyñ ışınde ata-anasynan airylğan balalar, balasynan airylğan ata-analar bar edı. Bügınde olar bır-bırıne qamqor bolyp, ösıp-önıp Türkia men Europada sany 35 myñğa ūlasty.

Maqalanyñ tolyq nūsqasyn “Turkystan.kz” saitynan https://turkystan.kz/article/189138-kazak-koshinin-turkiyaga-konystanganyna-70-zhyl/ siltemesı arqyly oqı alasyzdar.