Türkianyñ Ystambūl qalasynda kezınde Altaidan auğan qazaq köşı | «Otandastar Qory»

Türkianyñ Ystambūl qalasynda kezınde Altaidan auğan qazaq köşınıñ qasiettı Anadoly topyrağyna jetkenıne 70 jyl toluyna orai mereitoilyq ıs-şara atalyp öttı.
«Qoja Ahmet İasaui» qory, Nigde Altai auyly, Manisa Salihli, Könä İsmil, Keln, Vena, Parij, Berlin, Münhen, Amsterdam, Şvesia, Norvegia men Angliadağy qoğamdyq bırlestıkter jäne «Qazaqkent Altai» qauymdastyğy bırlese ūiymdastyrğan igı şara köne şahardağy Kemerburgaz Kirazlıbent Piknik alañynda memlekettık Änūranmen jäne   qazaq köşınıñ köz jūmğan qūrbandaryn ünsız eske alumen bastaldy.  
Halyqaralyq konferensianyñ ekınşı bölıgınde Ystambūldağy Kemerburgaz Kirazlybent demalys aimağynda  1 jarym myñdai qazaqtyñ qatysuymen ūlan-asyr as berıldı. Asta bas qosqan bauyrlarğa tarihi Otany - Qazaqstannan kelgen «Atameken» muzykalyq toby än şaşuyn tartu etıp, tämam jūrtqa tamaşa köñıl-küi syilady.
Basqosu barysynda «Qazaqkent Altai» qauymdastyğynyñ prezidentı Erhan İyldyz, Bağjylar qalasynyñ merı Abdulla Özdemir jäne Qazaqstan Respublikasynyñ Ystambūldağy Bas konsuly Älım Baiel mejelı mereitoidyñ tarihi mañyzy zor ekenın atap ötıp, tübı bır türık elı men qazaq halqynyñ bauyrlastyğyna basa män bere söz söiledı.
Europa elderındegı qandastar men Türkia qazaqtary qauyşqan halyqaralyq jiynda Qazaqstandağy «Otandastar qorynyñ» Prezidentı Abzal Saparbekūlynyñ arnaiy joldağan qūttyqtau haty oqylyp, şettegı ağaiyndardyñ abyroiy bır asqaqtap qaldy. Atajūrttyñ aqjarma tılegınen keiın qūrmettı qonaqtarğa qazaqtyñ ūlttyq tağamdary tabaqtap tartyldy.

Alqaly jiynğa Ystanbūl provinsiasyndağy  Ülkü Ocakları Prezidentı Alparslan Doğan, AK Parti partiasynyñ MKYK müşesı Reşide İüksel, Zeitınbūrny äkımınıñ orynbasary Safet Öz, Nigde qauymdastyğy federasiasy törağasynyñ orynbasary Ümüthan Gülerüz jäne ükımettık emes ūiymdar ökılderı de qatysyp, şynaiy qūrmetke rizalyq bıldırdı.