Assalawma aleykum. Doslar, kesh jarıq hámmege! Bismillahi | Силтеме
Assalawma aleykum. Doslar, kesh jarıq hámmege!
Bismillahi Rohmanir Rohim, dep búgingi Súmbile ayınıń birinshi sánesinen (1-avgusttan) baslap kanalımızda jańa joybar baslaymız!
"#Jámiyetshilik_qadaǵalaw";
"#Huqıqıy_sana" atamalarındaǵı bul joybarımız, puqaralıq jámiyetine jetelewshi jollardıń biri bolǵan jámiyetshilik qadaǵalawın ornatıwǵa hám bul jolda adamlardıń huqıqıy hám siyasiy bilimlerin jetilistirip barıwǵa arnaladı.
Jámiyetshilik qadaǵalawdıń subiekti hárbir puqara bolıwı múmkin. Yaǵnıy, hámme zattı Dáwletmurat aǵa islewi kerek, hámme mashqalanı Dáwletmurat aǵa, Baxtıyar aǵalar sheshiwi kerek degen zat joq. Nızambuzıwshılıqtan xabardarsız ba, demek siz de bul boyınsha jámiyetshilik qadaǵalawdı ámelge asırıwıńız múmkin, gúwası, qatnasıwshısı bolıp qalǵan mashqalanı ózińiz de sheshiwińiz múmkin. Bir Dáwletmurat aǵa jámiyetti dúzey almaydı. Hámme birgelikte háreket etiwimiz kerek.
Átirapıńızdaǵı adamlar da bul joybarımızdı baqlap barsa payda da, biraq zıyan emes. Sonıń ushın hámmeni jámiyetshilik qadaǵalaw ornatıwǵa, huqıqıy hám siyasiy bilimlerin asırıp barıwǵa shaqırayıq!
K. J. "Adamlarǵa balıq bermeń, balıq uslawdı úyretiń!"
Robert Kyosaki
@QARAQALPAQ_RENESSANSI_XXI
