II қисм Ҳужайра нималигини тушунмаётганлар учун: Тасаввур қил | Азизуллаев Нурсултан
II қисм
Ҳужайра нималигини тушунмаётганлар учун: Тасаввур қиламиз танамиз бир иморат бўлса, унинг ғиштлари бу бизнинг ҳужайраларимиздир. Энди тушундингиз-а, вирус ўша иморатнинг ғиштларини емирмоқда. Унга қарши курашмасак иморатнинг барча ғиштлари вирус тасирида емирилиб кетади ва у қулайди.
Вирус вақт ўтган сайин кўпайиб бораверади ва натижада улар энди битта ҳужайрага сиғмай қолишади. Қолаверса ушбу ҳужайра улар учун етарли озиқ бера олмай қолади. Вирус олдида турган эндиги вазифа ҳужайрани тарк этиш ва бошқа ҳужайраларни эгаллаб олиш. Бунинг учун улар 2 хил йўл тутишади. 1-йўл "юмшоқроқ" бўлиб вируслар битта-битта секин хужайрадан чиқиб кетишади. Бунда ҳужайра яна бироз яшай олади. Лекин барибир ўлади. 2-йўл эса шафқатсиз бўлиб, бунда "портлаш" юзага келади. Ҳужайра қобиғи портлаш орқали парчаланиб кетади ва ҳужайра ўша заҳоти нобуд бўлади. Вируслар эса янги ҳужайраларга кириб олишни бошлайди.
Вируслар геометрик прогрессия бўйича жуда тезлик билан кўпайиб кетаверади. Агар вируслар тўхтатилмаса организм шу тариқа ишдан чиқиб бораверади. Ковид вируси эса фақат нафас йўллари орқали ўпкани ишдан чиқаради. Ўлган ҳужайра қолдиқларига эса бактериялар ўрнашиб олиб йирингли жараёнлар бошланишига сабаб бўлади. Ўпка борган сари ўз функциясини йўқота бошлайди. Ҳа азизлар, бу пневмония дегани. Ўпкадан бошқа орган ҳужайраларига эса ковид кира олмайди. Чунки пасспорти тўғри келмайди.
Шу ерда савол туғилиши мумкин. Нимага вируслар бази орган ҳужайраларига кира олади-ю, базиларига кира олмайди.
Сабаби вируслар тирик организмлар учун умуман бегона генетик тузилмалар эмас. Улар авваллари ростдан ҳам ҳужайраларимиз ДНК сининг бир қисми бўлишган. Аммо вақтлар ўтиб ДНК дан ажралиб паразит ҳаётга ўтиб кетган "хоинлар" дейишимиз мумкин. Шунинг учун ҳам қайси орган ҳужайраларидан ажралиб чиқиб кетган бўлса, ўша орган ҳужайраларга кира олишади.
Вирус ҳужайрани пайхон қилиб ташлаб кетгандан сўнг кўп ўтмасдан ҳужайра ўлади. Ўлган ҳужайралар эса организм учун заҳар яни токсин ҳисобланади. Энди эса организм шубҳаланишга ўтади. Чунки душман ичидалигини сезди аммо кечикди. Чунки вируслар кўпайиб олишга улгурди. Энди танамиз бутун ҳимоя кучларини ишга солади, шу билан бирга вирус ўлдириб кетаётган ҳужайраларни ҳам тезлик билан организмдан чиқариб ташлаш керак. Акс ҳолда организм ички заҳарланишдан ўлиши мумкин. Ўлган ҳужайраларни чиқариб ташлаш учун буйраклар шиддат билан ишга киришади. Бутун метаболизм тезлашади. Иситма чиққач терини совитиш учун қўп миқдорда сув сарфланади. Шунингдек қон орқали ташилаётган ўлган ҳужайра қолдиқлари ҳам қоннинг бироз қуюлишига сабаб бўлади. Қон суюқ бўлса тўқималарнинг ичкарисига кириб бориши, ўлган ҳужайра қолдиқларини тозалаши осонлашади ҳамда буйрак ва юракка юкламани камайтиради. Демак суюқликни кўп-кўп ичишимиз керак.
Агар организм соппа-соғ бўлса, суюқлик етарли миқдорда ичиб турилса организм асосий фокусини вирусга қаратади ва уни йўқотишга эришади. Лекин одамда йўлдош касалликлари бўлса, семизлик, қандли диабет, қон касалликлари, буйрак, юрак-қон томир касалликлари бўлса унда жуда қийналади, чунки танамиз бир қанча фронтда бир вақтнинг ўзида жанг олиб бориши керак. Бунинг устига ўпканинг ишдан чиқиб бориши ҳисобига организмда кислород етишмовчилиги ҳам кузатилаётган бўлади. Бу эса ички заҳарланишни янада кучайтиради. Вирусга қарши препаратлар билан вирус кўпайиши тўхтатилса ҳам, унинг асоратларини бартараф қилиш организм учун жуда қийин масалага айланади. Шунинг учун ҳам афсуски хавф гуруҳидаги инсонлар ковид асоратларидан вафот этмоқда.
Нима учун бундай вақтда антибиотик мумкин эмас?
Чунки баъзи антибиотиклар барча бактерияларни бир вақтда нобуд қилади. Бу ўлган бактериялар ҳам организм учун заҳар ҳисобланади. Танамиз шундоқ ҳам вирус ўлдириб кетган ҳужайраларни тозалаётган бир вақтда ўлган бактерия қолдиқларини ҳам тозалаш ишни 2 марта қийинлаштириб юборади.
( Ҳозирча шулар, яна сизни қизиқтирган саволлар бўлса, изоҳларда ёзарсизлар)
@doctor_Muminov
