2021-05-25 15:55:45
Кейбір ханафи бауырларымыз білместіктен намаздарында “Фатиха” сүресін оқымайтыны туралы
Ханафи мазһабында “Фатиха” сүресін бірінші екі ракағатта оқы уәжіп.
Имам Касани (587 һ., Аллаһ оны мейірімдігіне бөлесін): «Намаздың негізі уәжәптері алты нәрсе. Олардың бірі “Фатиха” сүресі мен қосымша сүрені екі ракағаттық намазда және үш не төрт ракағаттық намаздың бірінші екі ракағатында оқу. Кімде-кім “Фатиха” оқуды немесе қосымша сүрені оқуды әдейі тастаса, [хадисте келген] намазы дұрысы емес адам (المسيئ) болады, ал қателесіп тастап қойса, оған саһу сәжде қылу міндет болады», — деген (بدائع الصنائع 1/503).
Имам Марғинани (593 һ., Аллаһ оны мейірімдігіне бөлесін): «Фатиха сүресін оқуды біздің мазһабта уәжіп санайды», — деген (الهداية 1/300).
Кейбір кітаптарда “фатиха оқу сүннет” — деп келсе де, оның мағынасы уәжіп.
Имам Марғинани (593 һ., Аллаһ оны мейірімдігіне бөлесін): «Автор “намаздың сүннетері” деп айтсада, оладың ішінде кейбір уәжіп амалдар бар. Мысалы, Фатиха сүресі мен қосымша сүрені оқу...» (الهداية 1/282).
Ал уәжіп дегеннің мағынасы: әдейі тастаған адам күнә алады, — дегенді білдіреді.
Имам Ибн Һумам Ханафи (861 һ., Аллаһ оны мейірімдігіне бөлесін): «Фатиха сүресін оқу уәжіп. Сондықтан оны тастаған адам күнә алады», — деген (فتح القدير 1/299).
Сондықтан ханафи мазһабының ең ықшам, әрі бірінші оқыдатын кітабында — “Мұхтасар Құдуриде” саһу сәждесі бабында Фатиха оқуды тастау саһу сәжденің себептерінен екені айтылған (مختصر القدوري 33).
Тағыда қосарым: имам Әбу Ханаифадан Фатиха сүресін үш не төрт ракағаттық намаздардың үшінші және төртінші ракағаттарында да оқу уәжіп деген риуят бар. Бұр риуятты оның шәкірті Мұхаммад ибн Хасан бізге жеткізген. Бұл риуят бойынша, үшінші не төртінші ракағатта Фатиха сүресін әдейілеп оқымаған адам [хадисте келген] намазы дұрыс емес адамның үкімін алады. Бұны осылайша имам Маусыли (683 һ., Аллаһ оны мейірімдігне бөлесін) түсіндірген (الاختيار 1/185).
Аллаһ баршамызға һидаят-тауфиқ берсін!
Дайындаған: Алтай Беріш
t.me/altayberish
4.5K views12:55
М
