2022-07-29 21:54:33
ЖанталасҚызық емес инстаграм, ватсабың,
Маңызды емес өмірі де басқаның.
Өсек-аяң, жалған абырой атақпен,
Жұрт қатырып жатады ылғи бастарын.
Ырду-дырду, ұрыс-керіс тарқамас,
"Таны мал" болу үшін жанталас.
Алты ауызын интернетте айтып сап,
Алауыз боп жатыр қазір алты алаш.
Ғаламтордың шырмауында тілдесіп,
Бұралқы иттей ырылдасып күн кешіп.
Абыройынан айырылған ару мен,
Сәби иісін сіңдірмеген тұр бесік.
Намысы жоқ, табысы жоқ еркек жүр,
Тезге салса түзелмейтін тентек жүр.
Сана таяз, ақыл қысқа, ой арзан,
Осы менің өзегімді өртеп жүр.
Айтшы, сонда ардақтайды тілді кім,
Кім жасамақ ұлттың ұлы тірлігін?
Неге олар ел бірлігін ойламай,
Уайымдайды телефонның бірлігін?
Жаным менің күйзеледі, жылайды,
Біз ұмытып барамыз ба, Құдайды?
Мегабайттар емес мына бес күнді,
Мейірім менен құлшылықтар құрайды.
Ақылға кел сонда өзенің тартылмас,
Біл ,кеудеңде мәңгі бақи жан тұрмас.
Құралыңды қуаттайтын (зарядкаң),
Зая кеткен өміріңді толтырмас.
Бекжан Базарбек
Телефонымызды,интернет құралдарымызды тек пайдалы нәрселерге қолданайық!Өміріңіз өз қолыңызда екенін ұмытпаңыз.
62 viewsMoldir Yerzhan, 18:54
M
