Россияда полициячининг бошига белкурак билан урган ўзбекистонлик эркак ушланди
Россиянинг Ленинград вилоятида ноқонуний яшаб юрган ўзбекистонлик эркак уни қўлга олмоқчи бўлган полициячини белкурак билан урди.
Маълум қилинишича, воқеа Ленинград вилояти Ломоносов туманидаги Ялгелево қишлоғида содир бўлган. Ўша пайтда ўғрилик иши бўйича тергов олиб бораётган Ички ишлар вазирлигининг маҳаллий бошқармаси ходими ўша ҳудуддаги қурилишда ишлаган одамга эътибор қаратган.
Қайд этилишича, унинг эътиборини тортган одам ўзбекистонлик 39 ёшли эркак бўлиб, ҳуқуқ-тартибот ходими ундан Россияда бўлишини тартибга солувчи ҳужжатларини тақдим этишни талаб қилган. Кейинроқ эркакда бундай ҳужжатлар йўқлиги маълум бўлган.
Шундан сўнг ходим ўзбекистонлик эркакка у билан полиция бўлимига бориши кераклигини айтган. Аммо у қаршилик кўрсата бошлаган. Бундан ташқари, полиция машинасидан ҳам қочишга уринган. Қўлга олинишидан олдин эса орқасидан югурган ҳуқуқ-тартибот ходимининг бошига белкурак билан урган.
Майор Қодиров
