КІТАП ОҚУ ДҰРЫС ПА? ⠀ Әлеуметтік желіде “кітап оқу” трендке ай | 📚 MAKTUBAT - ДІНИ КІТАПХАНА

КІТАП ОҚУ ДҰРЫС ПА?
⠀
Әлеуметтік желіде “кітап оқу” трендке айналғанын байқаған боларсыз. Түрлі бағытта белең алған аталмыш үрдіс белгілі бір деңгейде қуантады. Әсіресе жастардың кітапқа телміргенінен оң өзгеріс көп болады деп сенемін. Бірақ...
⠀
Әңгімені менеджменттің әліппесінен бастайық. Екі ұғымға тоқталайық: дұрыс зат істеу (doing right things) және затты дұрыс істеу (doing things right).

Кітап оқу — дұрыс зат істеу. Ал кітапты қалай оқу — затты дұрыс істеу. Яғни, дұрыс кітап таңдау және тиісті амалдарды пайдалану.
⠀
Проблеманы айтып қана кетпей, шешу жолдарын да ұсынайық:
Біріншісі — кітапты қалай дұрыс таңдаймын?
Екіншісі — кітапты қалай дұрыс оқимын?
⠀
Бірінші амалға тоқталайық. Кітапты өз мақсатыңызға не проблемаңызға қарай таңдаған жөн. Сонда кітап өміріңізді сапалық тұрғыда өзгерте алады. Мысалы, іскерлік әдебиетті таңдау бойынша келесі кеңестерді қолдана аласыз:
⠀
1) Автормен танысу — Кітапты кім жазды? Биографиясы қандай? Ойы мен ұстанымы қандай?
⠀
2) Кітаптың атын, мазмұнын, өзгелердің ойы мен пікірін оқыңыз – Кітапты идеясы неде? Ой құрылымы қандай?
⠀
3) Кітаптың кіріспесін және қорытындысын оқыңыз – Кітаптың бірінші беттерімен танысыңыз. Бір беттегі түсінбейтін сөз саны 10-нан асса ол кітапты қайта сөре қоя салыңыз.
⠀
4) Мазмұнын қарау — Әр параграфтың бірінші және соңғы сөйлемдерін оқыңыз. Сіздің тапсырмаңыз – кітаптың мақсатымен танысу. Мәнін ұғу. Кедергі болмаса, осылай жылжи бергейсіз.
⠀
5) Соңында кітапты жауып тақырыпшаларды және негізгі ойды еске түсіріп көріңіз. Есіңізде қалса санаңыздың қызығушылық пайда болғаны
⠀
Қорыта келе тек дұрыс оқысаңыз ғана — кітап оқу Сізге оң нәтиже бере алады.
⠀
Ескендір Бестай