Қыстың соңғы айына да келіп жеттік. Көктемнің де ауылы алыс е | О, Идея 🙇

Қыстың соңғы айына да келіп жеттік. Көктемнің де ауылы алыс емес. Бойымызға энергия құйылғандай, жанымыз жадырайды. Күннің қызуы жүрегімізді жылытады. Осы кез жаңалыққа ұмтылатын, жеңіске тез жететін кез.
⠀
Сенбі күні тайлық баланың бизнес жасаймын деген талпынысын, шарықтауы мен құлдырауын көркем көрсеткен фильм ұсынғанбыз. Ондағы мақсат — кәсіп бастарда қызбалыққа салынбай, жоспар құрудың артықшылығын түсіндіру.
⠀
Жоспарланбаған істің дамуы екіталай. Сондықтан, әр қадамыңды бағамдап алу керек. Қайда барсаң да, жаз дейді. Сол балақай секілді қойындәптерлеріңіз болсын. Қағазға түсірілген дүниенің орындалу қасиеті бар.
⠀
Ортамызда жаңа іске құлшынып, неден бастарын білмей отырғандар бар. Көп қойылатын сұрақтың бірі осы.
⠀
Сіздерге бұрынырақ та айтқанбыз, ьағы қайталаймыз. Қолыңыздан не келетінін анықтаңыз. Онсыз бірдеңе жасау мүмкін емес. Ертеңге дейін айналысатын кәсіптеріңізді белгілеп үлгеріңіз.
⠀
Өйткені, ертең осы жерде бизнес план құрудың алғышарты туралы білгенімізбен бөлісеміз.
⠀
Кішкене ғана ғұмырда иық тіресе бірге жүріп, бірге дамиық. Қолдап, қолпаштап отырыңыздар.