2023-05-02 03:01:54
Біз балаларымызды қалай тәрбиелейміз
Балаңыздың көзінше не істесеңіз, бала соны қайталайды.
Сол үшін балаңыздың көзінше Құран оқыңыз, әсем дауыспен, бір мақаммен. Сонда балаңыз дәл солай жасайды.
Мысалы менің балам (үшке әлі толмады) күніге "әкетай, Құран" деп біз оның өзіне сыйлаған Құранын сұрайды.
Біз алдымен Құран жәй кітап емес екенін, оған құрмет көрсету керектігін түсіндіреміз, көрсетеміз. Бала соны түсініп, оған да құрмет көрсетеді.
Біз көзінше дауыстап Құран оқимыз, бала да солай дауыстап мақамға салып әндетіп оқиды. Ол біледі Құранның ерекше кітап екенін.
Қызым да (екіге толмаған) дәл солай қайталайды.
Ең бастысы балаға тынышталу үшін телефон бермеңіз. Бір жерге барғанда шуламасын, маза алмасын деп басқалар сияқты телефонды қолына ұстатпаймыз. Тамақ ішкен кезде олар міндетті түрде мазасыз болады, бір орында отырмайды. Алайда біз жұбайым екеуміз кезектесіп тамақты ішіп, кезектесіп балаға қараймыз. Олардың телефонға тәуелді болғанын қаламаймыз.
Үйден телевизорды алып тастап, планшеттен қазақ тілінде мультфильмді күніге бір рет қана, бір сағатқа қоямыз. Бір сағат біткен соң, "болды, сендер бүгін көп көрдіңідер" деп өшіреміз де ойнаңдар деп айтамыз.
Толып тұрған ойыншықтардың жартысын тығып, жартысын береміз. Бір ойыншықтардан жалыққан кезде, тыққан ойыншықтарды шығарамыз. Осылайша баланың тәрбиесіне барынша көңіл аударамыз.
Идеалды емеспіз, кемшілігіз көп. Бірақ ең бастысы сол кемшіліктерді ортаға салып талқылау. Бірге түзелуге тырысу.
Және де ең маңыздысы: Біз үйде тек қазақ тілінде сөйлесеміз. Менің балаларымның ең алдымен өз ана тілдерінде жақсы сөйлеп, ана тілдерінде ойланғанын қалаймын. Сол нәрсе қалыптасқан соң ғана, басқа тілді үйретеміз.
429 views00:01