Kemel adam

2022-09-27 17:21:22 Бауыржан Момышұлының ұлына айтқаны:

1) Жігіттің екі сөйлегені - өлгені. Уәде бермеуге тырыс. Әйтпесе, сөзіңде тұр.

2) Қысқа, нұсқа сөйле. Дауысың анық болсын.

3) Көп тыңда. Аз сөйле. Сөзіңнің артынан ісіңмен үлгеруге жаныңды сал.

4) Өсек айтылатын жерде болма. Кездейсоқ болған жағдайда қосылма. Кесіп тастауға тырыс.

5) Таспен атқанды аспен ат - жеңісің. Содан кейін алшақ жүр.

6) Ренжітпе! Жүйелі қарғыс иесін табады.

7) Ешқашан мақтанба! Жұрт мақтасын.

8)Өзіңді сыйла, Өзгелер сыйласын.

9) Күнде өзіңе есеп бер. Өзіңді тәрбиелей бер.

10) Құмар ойын - əлсіздің əлегі. Мықтының рухы биік, денесі шымыр.

11) Үйретері мол мықтылардан ұстаздарың болсын. Бірақ, ешкімді пір тұтпа!

12) Сыйлағанның құлы бол. Кішірею төмендеу емес.

13) Ең алдымен өзіңе өзіңнің көңілің толатындай өмір сүр.

14) Саяхатта. Дүниетанымыңның аясы кеңейеді.

15) Қайтарымынан үмітті болсаң, жақсылық жасама.

16) Жүйкең әлі талай қажет болады. Болмашыға тоздырма. Шешуші сәттерге бапта.

17) Уайымға салынудан алшақ бол. Арба да сынбайтын, өгіз де өлмейтін шешім қабылда. Тез шешім қабылда. Тәуекел түбі жел қайық - жүзесің де өтесің. Уайым түбі тұңғиық батасың да кетесің.

18) Сырыңды ешкімге алдыртпа. Екі елі аузыңа сыймаған сөз, өзгенің отыз екі тісінің арасына тіптен сыймайды.

19) Өкпелеме. Өш алма. Санасына бер. Аллаға тапсыр!

20) Қыран құстай қырағы бол. Өзгелерді өзіңдей көрме!

21) Пенденің пендеден айырмашылығы адамгершілігі мен білімінде. Таны, оқы!

22) Өнер үйрен. Мамандығыңда мықтысы бол.

23) Өміріңнің сапасына тек сен жауаптысың!

24) Ұрпақ тәрбиесі елу пайыз сенің мойныңда. Ұлың өзіңнен озатын болсын. Қызың саған қарап серігін тауып бақытты болсын.

25) Кім қанша төмен түссе де, сен өз биігіңде қал. Ашу / Түсініктеме

2022-07-14 06:25:31 Егер өміріңе сынақ келсе, «Менің басыма неліктен қайғының қара бұлты үйірілді?» деп түңілме! Мұндай жағдайға тап болған жалғыз сен емессің! Алланың ең сүйікті құлы, пайғамбарлар падишасы Мұхаммедтің (с.а.у.) тұл жетім өскенін, өз қолымен алты бірдей бауыр еті баласын қара жердің қойнына тапсырғанын біл! «Әбдумүтәліптің жетімінен басқа пайғамбарлыққа адам табылмай қалып па?!» дейтін қорлық сөздерді естігенін ұмытпа! Бірақ барлық қиыншылық кетті. Сынақ бітті. Соңында әлемге нұрын шашып Ислам діні, Алла елшісінің ізгілікке толы ғибратты ғұмыры қалды. Олай болса, сенің де басыңа түскен жайсыздық өтеді. Өмір бір қалыпта тұрмайды. Ғұмыр бірсыдырғы болмайды. Түзуі болғаны секілді, қисығы да ұшырасады. «Сөзсіз қиыншылықпен бірге жеңілдік бар. Күмәнсіз ауырлықтан соң жеңілдік бар». Құранда қатар келген бұл екі аят та қиыншылықтан соң жеңілдік болатындығын білдірген. Ендеше, қақаған қыстан кейін жаймашуақ көктемнің келетіндігі, тас қараңғы түннен кейін бозарып таң ататындығы, алай-дүлей дауылдан соң тыныштықтың орнайтыны қандай заңдылық болса, қиыншылықтан кейін де жеңілдіктің жететіндігі – сондай ақиқат. Бастысы, сабыр мен дұғаны қару етіп, үмітсіздікке түспей, қолдан келер әрекеттерді орындауымыз керек. Нәтиже – Алладан. Өмірде кездесетін кез келген қиыншылықтың, бізге ұнамаған оқиғалардың астарында ғұмырлық ғибрат бар. Рухымыздың кемелденуі, мінезіміздің ширауы бар.
Оқиғалардың астарына үңіліп, сабақ ал да, өміріңді ары қарай жалғастыр. Басыңды тік көтеріп, тек алға жылжы! Өмірдің өзгертуге болатын тұсын өзгерт! Ал өзгерте алмайтын оқиға үшін еш қайғырма!
Бір Аллаға тиесілі істерді бақылауыңа алып, уысыңда ұстауға тырыспа! Алланың шекарасына өтпегін! Тағдырға риза болу дегеніміз міне осы. Ризашылық мақамы дегенміз – тек ізгілер ғана жететін рухани дәреже. Бұл жайлы Құранда «Ей, көңілі иманмен тыныштыққа бөленіп, жүрегі жай тапқан адам, Алладан сен разы, ол сенен разы болған күйде Раббыңа қайт» делінген. Ашу / Түсініктеме

2022-04-25 10:05:35 Жаратушыға шүкіршілік қылмау - рухани әлсіздіктің нышаны. Шүкірсіз жүру - әлсіз, сараң әрі жақсылықты білмейтін пенденің ісі. Ашу / Түсініктеме

2022-04-20 11:28:08 Өзіңнің мақсатыңа жету үшін, бұрын жетіп көрмеген нәрсеге қол жеткізу үшін, сізге бұрын болып көрмеген адам болып көру қажет болады!
Брайан Трейси Ашу / Түсініктеме

2022-04-19 05:22:08 Бір қарт адам мен жас жігіт кездесіп қалады.
- Ұстаз, мені таныдыңыз ба?- деген жігітке:
- Жоқ , - деді қарт адам.
- Мен сіздің шәкіртіңізбін ғой.
Сонда ұстазы:
- Мұнда не істеп жүрсің?
Тұрмыс-жағдайың жақсы ма?- деп сұрайды.
Жігіт:
- Жақсы, мен де мұғалім болдым ғой, - дейді.
Ұстазының:
- А, солай ма, жақсы болған екен. Мен сияқты ұстаз болдың ба? деген сұрағына, жігіт:
- Иә, расында, сіз сияқты болуыма сіздің маған берген сенім, күш-жігеріңіз себепші болды, - дейді.

Қарт адам оның сөзіне зер салып:
- Сонымен, ұстаз болуыңа не себеп болды?, - дейді.
Жігіт болған оқиғаны баяндап береді...

Бір күні сыныптас достарымның бірі шынымен әдемі қол сағат тағып келді.
Қатты қызыққаным сонша, оның қалтасынан сағатты ұрлап алдым.

Сыныптас досым сағатының жоғалғанын біле салысымен, мұғалімге барып шағымданды.
Сол мұғалім - сіз, едіңіз.
Сол кезде сіз:
- Мына баланың қол сағаты осы сабақ үстінде жоғалған екен. Кім алса да иесіне қайтарып берулеріңді сұраймын, - дедіңіз.

Сол кезде мен сағатты қайтарып бергім келген жоқ. Себебі, ұялдым, қорықтым. Сосын сіз есікті жауып қойдыңыз. Біз түгел орнымыздан тұрып, қалтамызды тінтетін болып келістік.
Сонда сіз:
"Барлықтарың көздеріңді жұмыңдар! Сосын, мен тексеріп шығайын",- дедіңіз. Қалталарды ретімен тексеріп келіп, менің қалтама қол салғанда, сағатты тауып алдыңыз.
Сіз ары қарай жалғастырып, барлық баланың қалтасын тексеріп болған соң:
- Көздеріңді ашыңдар! Не де болса сағатымыз табылды.- дедіңіз.
Бірақ, мен туралы ештеңе айтпадыңыз, тіпті, аузыңызға да алмадыңыз. Кімнің ұрлағаны туралы жақ ашпадыңыз.

Сол күні сіз менің абыройымды бүкіл өмір бойына қорғадыңыз.
Ұрлық жасағаным - менің өмірімдегі ең масқара оқиға еді.
Алайда, сол күн маған - "Жаман адам" дегізетіндей өмір сүруге болмайтынын ұқтырған күн болды.

Сіз ештеңе демедіңіз, жазғырмадыңыз да, маған "ұры" деп қарамадыңыз да.
Ұстаз адамның парасаттылығын ұғындыру үшін солай жасадыңыз...
Мен сіздің әрекетіңізді өте жақсы түсіндім.
Сіздің арқаңызда мен басқаға дұрыс тәрбие қалыптастыру керегін түсіндім.

- Осы оқиға сіздің есіңізде ме, ұстаз?

Ұстазы:
- Сағат ұрланғаны туралы оқиға есімде. Барлық баланы тексердім.
Бірақ, алған сен екеніңді білмедім.
Өйткені, ол кезде мен де көзімді жұмып тексерген едім ғой,- деді...

Егер, шәкіртіңіздің қателігін бетіне басып, масқаралайтын болсаңыз, сіз әлі ұстаз болған жоқсыз, деген сөз...

Қазақшаға аударған: Шынар Кендін. Ашу / Түсініктеме

2022-03-01 14:39:43 Біздің заманымызда адамдар бақытты болуды көңіл көтеруден іздейді. Алайда көңіл көтеру жолдары ауруды уақытша басатын дәрілер сияқты, уақыты өтіп, дозасы қайтқан соң қайта қозған ауру сияқты бақытсыздық қайта басталады.
Олай болса адам бақытты қалай, қайдан, қашан табады... Ашу / Түсініктеме

2022-02-18 18:36:53 Уоррен Баффет
Әлемдегі ең бай кәсіпкер Уоррен Баффет табысқа жетудің сырын ашуды сұраған кезде жанында үйіліп жатқан кітаптарды көрсетіп, былай жауап беріпті: "күніне 500 бет кітап оқу қажет. Білім осылай күрделі процент тәрізді жинақтала бастайды. Бұл кез келген адамның қолынан келеді, бірақ аз ғана адам осыны орындайтынына кепілдік беремін". Ашу / Түсініктеме

2022-02-02 15:35:33 Буырқанып тасыған теңіз де бір мезет сабасына түсіп, тыншиды. Сен де әбігерлікке толы мына қарбалас өмірден, айқай-шуға толы күйбең тіршіліктен өзіңді бір мезет азат етіп, тыныштықты ізде. Кідіріс жасап, айналаңа қара. Өткенді сараптап, келер күнді бағамда! Адам баласы тыныштықта ғана жан дүниесінің үнін естіп, өзінің ішкі әлеміне үңіле алады. Сол арқылы өзінің мына дүниеге не үшін келгендігін, негізгі миссиясын есіне түсіруіне мүмкіндік табады.
Өзінің ішкі әлемінде жетістікке ұмтылған жан ғана сыртқы әлемде шынайы жетістікке жетеді. Балапан жұмыртқаны іштен жарып шықса ғана сыртта өмір сүре алады. Ал сырттан жарылса, өмір тоқтайды.
Олай болса, сен де теңіз тәрізді кідіріс жасап, тыныштықта тұңғыйық ойдың саяхатына шық!
Кемел адам кітабынан Ашу / Түсініктеме

2022-02-01 03:43:41 Кеудесінде иманы бар адамның үміт үзуі мүмкін емес. Әсте күдер үзбеу де керек. Кейде ол сүрініп қалып құлауы да мүмкін. Біреудің зұлымдығына душар болуы да мүмкін. Бірақ бұл қиындықтардың барлығы уақытша. Басқа қалай түссе, солай кетеді. Ал иманды адам қиындықтан арылғаннан кейін еңсесін қайта көтеріп, тіршілігін жалғастыра береді.

Күнделік Ашу / Түсініктеме

2022-01-29 04:01:03 “Бізді ата-анамыз сөйтетін, содан өлген жоқпыз, мұғалімдер бүйтетін, содан жаман болған жоқпыз, бәріне көндік, бәріне шыдадық, міне, адам болдық” дейді жан-жақтан жамырап, тұла бойын комплекс жайлаған көнбіс те қорқақ буынның өкілдеріміз… Ашу / Түсініктеме