#XABARLANDÍRÍW Sizge huqıqıy másláhát yamasa huqıqıy járdem k | KarInform.uz

#XABARLANDÍRÍW

Sizge huqıqıy másláhát yamasa huqıqıy járdem kerek pe?

Onda Ádillik seyiline márhámat!

Usı jıldıń 12-may kúni Qaraqalpaqstan Respublikası Ádillik ministrligi tárepinen xalıqtıń huqıqıy sana hám huqıqıy mádeniyatın jáne de joqarılatıwǵa, sonday-aq, nızamlılıqtı bekkemlewge qaratılǵan «Ádillik seyili» atamasındaǵı huqıqıy úgit-násiyat hám aǵartıwshılıq ilajı bolıp ótedi.

Ilajǵa puqaralarǵa barlıq tarawlar boyınsha biypul huqıqıy másláhátler beriw maqsetinde mámleketlik uyımlar, sudlar, huqıq qorǵaw uyımları, bankler, avdokatlar, notariuslar, mámleketlik emes kommerciyalıq emes shólkemler qatnasadı.

SEYIL DAWAMÍNDA:

sawǵalı viktorinalar;
sport jarısları;
mádeniyat xızmetkerleriniń koncert baǵdarlaması;
mayıplıǵı bolǵan shaxslar tárepinen tayarlanǵan ónimlerdiń yarmarkası;
«Salamatlıq ushın bes mıń qádem» akciyası;
medicinalıq tekseriw;
áskeriy shıǵıwlar;
psixolog másláháti hám basqa bir qatar ilajlar ótkeriledi.

Mánzil: Nókis qalası, «Istiqlol» balalar dem alıw orayı.

Ádillik ministrligi bársheni usı ilajda belsene qatnasıwǵa shaqırıp qaladı.

Ádillik seyili boyınsha maǵlıwmatlar ministrliktiń sociallıq tarmaqlardaǵı kanallarında járiyalap barıladı.

Ilajdıń baslanıw waqtı: 2022-jıl 12-may, saat: 10:00 de

Kanal @huqiqiymalimleme

Kanalımızǵa aǵza bolıń @karinformuz