Аяжан десе, әлі күнге дейін жылағым келеді... 19 жастағы Аяжа | Жазира Байдалы

Аяжан десе, әлі күнге дейін жылағым келеді...

19 жастағы Аяжан Еділованың өлімі маған қатты әсер етті. Ол кезде Bugin.kz-тің директоры болып істеп жүрдім.

Міне, сол кезде Internews халықаралық ұйымы
“Шағын грант” байқауы өтетінін хабарлады. Оған жоба ұсынып, контент әзірлеуге грант ұтып алуға мүмкіндік барын білдім.

Аяжанның оқиғасын әлі ұмыта алмай жүрген мен айналдырған 2-3 сағатта жобаны жасап, эссені жазып, өтініш тастадым.

Сондағы бар ойым - қыз-келіншектің сауатты болуына, физикалық, моральдық тұрғыдан жапа шекпеуіне танымдық контент арқылы ықпал ету.

Нәтижесінде “АяЛайық” жобасы шағын грантты ұтып алды.

Неге жоба “АяЛайық” деп аталады деген комиссия сұрағына былай деп жауап бердім: “Аяжанның құрметіне Ая деген түбірді алдым. Оған лайық сөзін жалғадым. Мен әр адам жақсы әрі ұзақ өмір сүруге лайық екенін айтқым келеді”.

Бүгін сол жобамыздың алғашқы саны жарық көрді. Нейро-коуч Эльвира Ерғалина “адамның ішіндегі 3 рөлі” туралы әңгімелейді.

Өзіңізді танып, “Мен кіммін?” деген сұраққа жауап бергіңіз келсе,

видеоны көріңіз.

Алған инсайттарыңызды сториске салып, мені белгілеуді өтініш етемін. Бұл жобаның танылуына, көрілімнің көбеюіне әлбетте әсер етеді.

Оқырмандарым, жақсы өмірге лайықсыздар!