2021-12-26 14:35:43
Жанубий Корея ва Ўзбекистон ўртасидаги йиллик товар айланмаси 2021 йилда 1.7 миллиард долларни ташкил этди. Бундан бизнинг сотган маҳсулотимиз атиги 21.4 млн долларга тенг экан холос. Кореяликлар эса бизга сал кам 1.7 млрд долларлик товар ўткизган ва катта эҳтимол билан бунинг асосий қисмини UzAutoMotors олаётган атвомобиль эҳтиётқисмлари, Malibu 2 ва яқинда майдонга чиққан яна янги чайқовчилардан биттаси KIA JIZZAKH томонидан импорт қилинаётган автомашиналар ташкил қилади.
Майли, монополлар барибир шунча пулни четга олиб чиқиб, машина олиб келиб сотяпти экан ўзимизни маҳсулотларчи? Уларни ҳам ўша давлатларга экспорт қилишни ҳеч ўйлармикин.
Мальта деган кичкина давлат бор. Шулар ҳам Кореяга биздан кўп маҳсулот экспорт қилар экан. Ёки ҳатто Африкадаги Мозамбик ҳам Кореяга 147 млн долларлик маҳсулот экспорт қилган. Биз эса бу борада 166 та давлатлар ичида энг пастда турибмиз.
Алоқаларимиз зўр деймизу, лекин Россияга ўхшаб фақат қора ишчи кучларинигина экспорт қилишдан бошқасига ярамаяпмиз.
Менимча, кореяликлар биздан маҳсулот олмаслигининг энг катта сабаби бу логистика муаммоси. Океанорти давлатларга юк жўнатиш жуда қийин ва қиммат. Масалан, Филиппиндан 400$ келадиган денгиз контейнери биздан 10,000$ дан юқори харажат билан келади. Логистика 10-20 баробар қимматга тушади. Шунинг учун ҳам бир девор қўшниларимиздан нариги ўта олмаяпмиз.
Албатта, бунга катталар айбдор. Афғон бўлмаса, Эрон билан шу пайтгача темирйўл логистика каридорларири қурса бўлар эди. Билмадим, узоқ Осиё ёки Европага ипак сотишдан кўра, яқин Россияга бодринг-помидор сотган осон шаклда))
~ Ойбек Эркин
Manba: AlisherIsaev_blogi
70 viewsedited 11:35