2021-10-02 14:56:33
бірінші сыныпта мұғалима апай мына сұрақтың жауабын тауып келуді тапсырды:
1 минутта не жасап үлгеруге болады?
бәріміз басымыз қатып, ойларымыз бөлініп үйімізге қайттық. анам бұл уақытта гүл отырғызуға немесе көзін бояуға, тәтті құймақ пісіруге, кофе дайындауға үлгере алатынын айтты. әкем болса гол сала алады, 20рет отырып тұрады немесе анам пісірген тәтті құймақты жейді :
- ал шынына келсек бір минутта өмірінді түгелдей өзгертуге болады.
мен ол кезде әкемді түсінбедім. мән бермей, жауабын жазуға кірістім. бір минут бұл бос нәрсе ғой. тым аз.
бүгін трицепске арналған жаңа жаттығу жасадым. жаттықтырушы: "Ируся, жарайсың, бір минут қалды!" деп айтты. мен иә дегендей болдым, бұл бір минут бағанағы бір минуттан еш айырмасы болмағанымен, шексіз секілді көрінді. кешегі сүйікті сериалыма кеткен жүз минуттан да ұзақ көрінді.
бұрындары студент кезімде автобуспен жүргенде екі әйелдің әңгімесін естіп қалған едім. бірі жылап, екіншісі жұбатып отыр:
- күйеуіңнің өмірден өткеніне қанша уақыт болды?
- сегіз жыл, бірақ кеше болған секілді..
менің сыныптасым жігітін әскерге шығарып салғаны есімде. олар қоштасып жатты, жігіті оған былай деді:
- уайымдама! бұл жәй бір ғана жыл. көзді ашып-жұмғанша тез өтіп кетеді.
сыныптасым ғашығына таңғала қарап тұрды да былай деді: "жыл қалай өтеді, егер әр минуты километрдей ұзақ болса??"
көбіне бұл уақыт байқалмай өтеді. 10минут темекі шегуге, 30минуты телефондағы бос әңгімеге, 50минуты компьютерлік ойынға, 120-сы жаңалықтар көруге, 500-і әлеуметтік желілерге. біз бұл минуттарды түкке тұрғысыз аз көріп, құндылығын жоғалтамыз. ал шын мәнінде сол бір минутта тыныс алу үшін оттегі жетіспей қалады, кешірім сұрау үшін секундтар, тынышталу үшін бір көзқарас жетпейді.
тек бір ғана минут. 72 жүрек соққысы. 58 әуеге самғаған ұшақ пен 258 жаңа туылған сәби. 10миллион темекі тұқылы және 116 той. 20 тыныс алу мен шығару және дәл сондай көлемдегі өмірді өзгертуге деген мүмкіндіктер. дәл қазір. дәл осы минутта.
' Ирина Говоруха
Аударған: Аяна Нұрбекқызы
212 views11:56