2022-07-10 06:18:21
Құранды мықынның тұсында не болмаса одан төмен жерде сөмкеге немесе пакетке салуға рұқсат, бұл күнә емес, тек бұл Құранды құрметтемеуден тумаса болды. Сондай-ақ, оңай алу үшін, Құранды ортаңғы немесе төменгі сөреге қойғанда тұрған еш әбестік жоқ.
⠀
Алайда ислам мәдениетінде Құранды кеуде тұста ұстау әрі бөлменің ең биік жеріне қою салты таралған. Осылайша адамдар өздерінің Құранға деген құрметін көрсетеді.
⠀
Әрине, Құранға мұндай құрметпен қарау адамның тақуалық дәрежесін көрсетеді. Осылай бола тұрса да, Құранға деген мұндай құрмет діни бұйрық болып табылмайды. Мұндай қарым-қатынасты келесі аятта көрсетілген амалға сай деп бағалауға болады: «Міне осы. Кім Алланың белгілерін ұлықтаса; күдіксіз ол, жүректің тақуалығынан» (22:32). Алайда Құранға мұндай құрмет көрсетпейтіндерді, Құранға құрмет көрсетпедің деп айыптауға болмайды.
⠀
Сөзсіз, Құранға құрметпен қарау керек. Алайда Құранға құрмет көрсету — оны биікке қою немесе кеуде тұста ұстаумен ғана шектелмеу қажет. Құранды оқу, Алла Тағаланың айтқандарын түсіну, бұйырғандарын орындап, ал тыйғандарынан тыйылу — Құранға деген шынайы құрмет болып табылады.
⠀
Егер біз осының бәрін жасап жүрсек, онда Құранға лайықты түрде құрмет көрсетудеміз деп айтуға болады.
⠀
#Құранескерту
65 views03:18