2022-04-22 21:29:09
Бір күні түйе мінген адам сахарада келе жатса алдынан, бір адам кезігеді. Өзі жаяу, ерні кеберген, шөлден жанары солған, әлсіз, даусы әрең шығады. "Ей түйекеш маған Алла разылығы үшін бір жұтым су берші, өлімші хәлдемін. Кеңезем кеуіп кетті...". Алла разылығы үшін әрине, түйекеш түйесінен түсіп, бейшараға торсығынан су ішкізеді... Су ішіп, әлденіп алған бейшарасы, түйекешті бір ұрып, жер жастандырады... Торсығын да, түйесін де алып, жорта жөнеледі. Сол кезде әлгі түйекеш есін жиып, артынан айқайлайды: "Әй ұры, бір сөзім бар айтатын, құлақ сал". Ал айт деп ұры оған бұрылады. Түйекеш: " Осы істеген ісіңді ешкімге айта көрмеші". Ұры: " Онда тұрған не бар?". Сонда түйекеш:" Бұл қылығың елге жайылса, кейін адамдар шөлде қалғандарға, су бермей, қайрылмай кетеді" деген екен... "жамандық жасама, жасасаң да елге жайма!!!" Әсіресе, "тендер ұтып алғандарға" құлаққағыс! Мемлекетке, билікке ешкім сенбей кетер...
19 views18:29
Е
