Данила Бектұрғанов, 'Электрондық қатысу' бойынша сарапшы, Қа | Digital Rights & Freedoms Landscape (drfl.kz)
Данила Бектұрғанов, "Электрондық қатысу" бойынша сарапшы, Қазақстандағы онлайн-петициялар туралы: осы жылы қандай өзгеріс бар.
Спойлер: осы тақырып бойынша жаңа заң жобасы шала болып табылады және көптеген сұрақтар туғызуда. Сонымен қатар, заң жобасына цифрлы критерий бойынша талаптарды енгізу, өткір тақырыптар бойынша өтініштерді қарауға кедергі келтіретін сүзгі болуы мүмкін.
Бір жыл бұрын, 1 қыркүйекте Қазақстан халқына дәстүрлі жолдауында Президент Қасым-Жомарт Тоқаев азаматтардың реформалар мен ұсыныстарға бастамашылық етуі үшін онлайн-петиция институтын құру қажеттігі туралы мәлімдеді. Үкіметке азаматтық қоғаммен өзара іс-қимыл жасай отырып, нормативтік-құқықтық базаны әзірлеуге және осы бастамаға қатысты барлық техникалық мәселелерді шешуге нұсқау берілді.
2021 жылғы 1 шілдеде eGov порталында eOtinish сервисі— азаматтардың өтініштерін қабылдау мен өңдеудің бірыңғай платформасы жұмысын бастады. Әзірше платформа жеке тұлғалардың өтініштерімен ғана жұмыс істейді (өтінішті жіберу үшін ЭЦҚ қол қою қажет) және петицияны қолдауға мүмкіндік бермейді, алайда бұл функционал тиісті заңнама қабылданғаннан кейін қосылуы мүмкін. Осы заңнаманың жобасын талдау осы материалда ұсынылады.
Өтініш туралы заңнама: ол не ұсынады?
Өткен жылы глоссарийдегі петицияға анықтама беретін, сондай-ақ петицияларды беру және қарау тетігін сипаттайтын Қазақстан Республикасының Әкімшілік рәсімдік-процестік кодексіне (ҚР ӘПК) түзетулерді қалыптастыру бойынша жұмыс жүргізілді.
«Қазақстан Республикасының кейбір заңнамалық актілеріне қоғамдық бақылау мәселелері бойынша өзгерістер мен толықтырулар енгізу туралы» ҚР Заңының жобасы әзірленді, ол eGov сайтының «Ашық НҚА» порталында орналастырылған. Заң жобасының 1-бабында петицияларды айқындауға, оларды беру тәртібіне, петицияларға қойылатын талаптарға, оларды қарау тәртібі мен мерзімдеріне және петицияларды қарау нәтижелері бойынша қабылданатын шешімдер түрлеріне қатысты ҚР ӘҚБтҚ-не түзетулер жобалары көрсетілген. Петиция тақырыбы бола алмайтын мәселелер, сондай-ақ петицияға қосылу тәсілдері мен мерзімдері бөлек көрсетілген.
Сонымен қатар, өтінішті Интернет-ресурста жариялау үшін ол келесі шарттарға сәйкес келуі керек:
- өтініш берген күннен бастап 20 жұмыс күні ішінде Қазақстан Республикасының кемінде 150 азаматын петицияға қосу;
- петицияның қазіргі Кодекстің 90-3, 90-4-баптарында белгіленген талаптарға сәйкестігі;
- өтініш беру кезінде интернет-ресурста сол тақырып туралы петицияның болмауы.
Толығырақ оқыңыз:http://drfl.kz/kk/kazakstandagy-onlain-petitsiialar/
