Narkes ustaz🌒

2022-12-01 06:58:08 Имам Науауи (Алла оны рақымына алсын): «Алла Тағала сенін әрбір жағдайыңды көріп тұрады. Сондықтан барлық ісіңде жақсылық жаса. Әрбір ісің толыққанды болуы керек» Ашу / Түсініктеме

2022-11-30 08:32:11 Баклажанчиктер....

Ливанды билеген Шиһаб әулетінен тараған әйгілі әміршілердің бірі Бәшир II әш-Шиһаби (1767-1850) болатын. Әмірші бір күні жанында тұрған қызметшісіне қарап былай дейді.
-«Бүгін «баклажан» жеуге көңілім соғып тұр».
-«Баклажан деймісіз! Алла баклажанға береке берсін! Ол тамақтың төресі ғой. Ол дегеніңіз майсыз ет емес пе?! Қылтанақсыз балық емес пе?! Қуырып та жеуге болады. Отқа қақтап та жеуге болады. Былай да жеуге, олай да жеуге болады» деп сайрай жөнеледі.
Әмірші оның сөзін бөліп: «Бірақ, өткен жолы бір жегенімде ішім ауырып мазам кетті» дейді.
Қызметші: «Баклажанға Алланың лағнеті болсын! Ол асқазанға ауыр, өзі қоқиған, жағымсыз тағам емес пе?!» дейді.
Әмірші таң қалып: «Сен неткен адамсың өзі! Бір нәрсені бір уақыттың ішінде мақтап та тұрсың, жамандап та тұрсың. Мұның қалай?» дейді.
Қызметші: «Мырзам! Мен әміршінің қызметшісімін. Баклажанның қызметшісі емеспін. Әміршімнің дұрыс дегені дұрыс. Бұрыс дегені бұрыс» деген екен.

P/S Баклажанчиктер бұрыннан бар. Бірақ соңғы кездері «баклажанчиктердің» саны көбейіп кеткен секілді)))

Ұстаз Бауыржан Әлиұлы (Алла рахымына алсын) Ашу / Түсініктеме

2022-11-24 05:12:10 هُوَ الْأَوَّلُ وَالْآخِرُ وَالظَّاهِرُ وَالْبَاطِنُۖ وَهُوَ بِكُلِّ شَيْءٍ عَلِيمٌ
әл-Хадид: 3

Әууәл де Өзі, Ахир де Өзі, Заһир да Өзі, Батин да Өзі. Ол барлық нәрсені лайықты түрде біледі. Ашу / Түсініктеме

2022-11-22 12:59:27 https://islam.kz/kk/media/arturli/chempionattan-1027/ Ашу / Түсініктеме

2022-11-17 10:26:53 Атырауда бір жігіт болды. Мешіт саламын деп сбор ашты, жамағаттан еріктілер тобын құрды. Бірақ жеме-жемге келгенде алаяқ болып шықты. Мешітке деп жиналған ақшаны жымқырып кетуге шақ қалды. Сүйтіп абыройдан жұрдай болып діни ортадан көрінбей кеткен еді.

Жақында сол жігітті байқаусыздан телевизордан көрдім. Әлдебір бағдарламада отыр. Сүйтсем, Алматы жаққа барып тағы бір қайырымдылық қорын ашып, адамдарға үй беруге көмектесіп жүр екен. Жанына бір-екі блогерді тартып апты.

Сірә, ол жақта да тегін жүрмесе керек… Анығы Аллаға мәлім. Ашу / Түсініктеме

2022-11-13 17:29:37 Пайдалы ілім.
Пайдалы ілім - Алладан қорқу, үрейлену жемісін алып келеді.

إِنَّمَا یَخۡشَى ٱللَّهَ مِنۡ عِبَادِهِ ٱلۡعُلَمَـٰۤؤُا۟ۗ
“Расымен де Алладан қорқатындар тек ғалымдар” - деп Алла Тағала айтқан.

Өйткені кім Алланы шынайы танымаса шынайы түрде үрейленбейді, шынайы түрде ұлықтап, құрметтемейді. Іліммен ғана оны танисыз, ұлықтайсыз, үрейленесіз. Ілім толық құлшылықты алып келеді, барлық күнәдан арылтады “Алланың қалауымен”. Ашу / Түсініктеме

2022-11-01 20:11:43 Сұралмай берілген ақыл - құнсыз болады.

(с) Конфуций (болса керек шамасы, нақты есімде жоқ)

Сізден ешкім ақыл сұрамаса, ақылсынбаған жөн дегеннің жүйелі түсіндірмесі.

#ғибрат Ашу / Түсініктеме

2022-10-30 16:04:47 Намазхан жігіттер! Сіздерге ескертемін, әлеуметтік желіде аса сақ болыңыздар!

1) Авасында белгісіз ухтидің суреті бар әлдебір “орамалды қыз” сізбен жақынырақ танысуға емеурін танытса, елпілдеп кетпеңіздер.

2) Сол сияқты, әлдебір орамалды аккаунт сізге тоқалдыққа ниетім бар, “әлі пәкпін” десе де, төбелерің көкке жетіп қуанбасын.

3) “ибн Сулайман”, “әбу Умар “, “әл-Ханафи” деген секілді түрлі никпен тіркелген белгісіз “мащаАллазнающий” браттың “сақалдың үкімі мынадай”, “ниқабтың үкімі анадай” сынды “ақиқатқа толы” жазбаларына аямай лүпіл басып, астына ішіңіздегі шер мен наланы төгуден сақтаныңыздар!

Себебі, әлгі аккаунттардың артында барлық уақытта шынайы адам отырмайды. Олар (1,2 пункт) сондай қарым-қатынастар арқылы сені зерттеп жүрген “ЖЫН” болуы әбден мүмкін.

Немесе (3 пункт) сол пікірдегі жақтастардың саны мен олардың реакциясын анықтау мақсатында әлдебір орталықтан ашылған фейк аккаунт болуы мүмкін.

Жоғарыдағы жағдайлар маған кездеспеді (деп үміттенем) Бірақ сондай аккаунттардың барын ішім сезеді әрі сенемін.

Әлеуметтік желі тұнған иллюзия. Так что, сақ жүріңіздер!

@apendim Ашу / Түсініктеме

2022-10-28 15:05:01 Сұрақ: дінімізде хэллоуин атты күнді мерекелеп тойлаудың үкімі

Жауап: Түп тамырын ежелгі Ирландия мен Шотландиядан алынған жын-жыбырлылардың мерекесі хэллоуин біздің дінімізге де, қазаққа да үш қайнаса сорпасы қосылмайтынын айтпаса да түсінікті. Шариғатымыз мұндай мерекелерге тыйым салады. Себебі Пайғамбарымыз (с.а.у.) кәпір қауымға ұқсап қалудан сақтандырған.

Ибн Омардан жеткен хадисте Пайғамбарымыз (с.а.у.): “Кімде-кім бір қауымға ұқсағысы келсе, ол солардан болады”-деді (Ахмад, Абу Дауыт риуаят еткен).

@fatua.kz Ашу / Түсініктеме

2022-10-26 11:21:19 Мединаға барғанда мешіттің жәніндегі музейге кіруді ұмытып кетпеңіз. Көбісі білмейді екен. Гидтер де апара бермейді Ашу / Түсініктеме