НИМА УЧУН БОЛАЛАР ЁЛҒОН ГАПИРАДИЛАР? Фарзандларимизни тарбия | 🌹БОЛАЛАР ПСИХОЛОГИЯСИ🌹

НИМА УЧУН БОЛАЛАР ЁЛҒОН ГАПИРАДИЛАР?
Фарзандларимизни тарбия қилар эканмиз, истасак - истамасак, озми - кўпми болалар ёлғонига дуч келамиз.
Кўпчилик ота-оналар бу пайтда хавотирга тушишади. "Менга фарзандим ёлғон гапиряпти"- дея дарҳол фарзандини айблашади.
Тарбия ишларини бошлаб юборишади, уришиб-тергаш, бақириш, айблаш, ҳақоратлаш, ҳатто уриб тарбиялаш ёки жазолашнинг бошқа турлари.
Агар, сизнинг фарзандингизда ҳам шундай ҳолат кузатилаётган бўлса, тўхтанг!
Фарзандингизни ёлғончига чикарманг ва "тарбиялаб" қўйишга шошилманг!
Авваламбор, фарзандингиз нима учун ёлғон гапиряпти, аниқ сабабини билишингиз керак.
Ҳар қандай ёлғоннинг ортида ўзига яраша сабаб бўлади.
Фарзандингиз ёшига эътибор беринг. Кичик ёшдаги болалар ёлғонига кўпинча уларнинг тасаввури билан реалликни ажрата олмасликларида бўлади.
4, 5 ёшларидан болалар фикрлай олишади, аммо ҳалиям уларда танқид қила олиш, таҳлил қилиш хусусиятлари шаклланиб улгурмаган.
Болалар ёлғонининг асосий сабаблари:
- Сизнинг жазолашингиздан қўрқиш,
- Сизга ўзини яхши томондан кўрсатиб, меҳрингизни қозониш,
- Қандайдир ўзи ҳоҳлаётган нарсага эга бўлиш

Демак, болалар ёлғонида биз катталарнинг ҳиссамиз жуда катта. Шунинг учун, фарзандингизга бўлган ўзингизнинг муносабатингизни бир ўйлаб кўринг!
Ҳар бир ёлғон орқасидан бошқа ёлғонни етаклаб келишини унутманг!

Психолог Гульнара Атажанова

Психолог қабулига ёзилиш учун . .

@Psixolog_Administratori

Психологга савол учун
. .

@medpsixologGulnara


https://t.me/bolalarpsixologiuz