МАКТАБГА ТАЙЁРГАРЛИК Тез кунлар ичида жуда кўпчилик болажонла | 🌹БОЛАЛАР ПСИХОЛОГИЯСИ🌹

МАКТАБГА ТАЙЁРГАРЛИК

Тез кунлар ичида жуда кўпчилик болажонлар 1-синфга мактабга чиқиш арафасида туришибди.
Хўш, оналар нималарга тайёргарлик кўришлари керак?
Албатта, ҳар бир она фарзандини мактабга беришдан олдин хавотирлари кучаяди.
Болам мослашиб кета олармикин, уни ҳеч ким хафа қилмасмикин, қандай ўқир экан деган хавотирлари, қўрқувлари бўлиши табиий ҳолат.

- Авваламбор, тинчланиб олинг.
Чунки, сизнинг хавотир ва қўрқувларингизни фарзандингиз кўриб турибди ва фарзандингизда ҳам қўрқув, хавотирлар пайдо бўлади.
- Фарзандингизга мактабга бориш нима учун кераклиги ҳақида тушунтиринг.
- Фақат аъло баҳога ўқиши кераклигини уқтирманг, яьни паст баҳо олиб қўйиши мумкинлиги тўғрисида қўрқув пайдо қилманг.
- Энг муҳим эҳтиёжлари пайдо бўлганида нима қилиши кераклиги, кимга қандай мурожаат қилиши мумкинлигини тушунтиринг.
- Мактаб қандай бўлади, у ерда нималар бор, қандай шароитлар борлиги тўғрисида тушунтиринг.
Мактабнинг қоидаларини тушунтиринг ва бу қоидалар нимага керак, қандай фойда томонлари борлигини тушунтиринг.
- Ўзининг тўлиқ исм-шарифи, ота-онасининг телефон рақамлари, уй манзили
- Сонлар, рақамларни, ҳафта кунларини, йил фаслларини, рангларни, шаклларни, ҳайвонларни, қушларни, мева, сабзавотларни ўргатиб туришингиз мақсадга мувофиқ.
- Ручкани тўғри ушлаш, қаламлардан, рангли бўёқлардан қандай фойдаланишни ўргатинг.
- Кўпроқ расмлар чиздиринг, расмларни бўятинг, бу уларнинг ҳуснихати чиройли бўлишига, ёзишни тезроқ ўрганиб олишига ёрдам беради.
- Ўйинлар орқали мулоқот қилиш усулларини, фикрларини билдиришни, эҳтиёжларини айта олишни, сўрай олиш, мурожаат қилиш кўникмаларини шакллантиринг.
- Фарзандингизни мактабга чиқиши билан табриклаб қўйинг.
Уни эплай олишига ишонч билдиринг ва яхши кўришингизни айтиб қўйинг!

Психолог Гульнара Атажанова

https://t.me/bolalarpsixologiuz