Бола ҳаётида отанинг роли АЁЛ авваламбор, оилали бўлиш, фарз | 🌹БОЛАЛАР ПСИХОЛОГИЯСИ🌹

Бола ҳаётида отанинг роли

АЁЛ авваламбор, оилали бўлиш, фарзандли бўлиш ва фарзандларини отаси билан биргаликда улғайтириш орзу-умидлари билан турмуш қуради. Ҳаётнинг тақдир сўқмоқлари қайси томонга бурилиб кетишини ҳеч ким билмайди.
Келиша олмай ажрашаётганлар камми, қайноналар оиласига аралашиб ажрашиб кетаётганлар, жаҳл устида фарзандимни ўзим катта қилиб оламан деган оналар, умуман, нима учун уйланганини , оила маьсулиятини бўйнига ололмаган эркаклар камми?
Ҳар қайси ҳолатда жабр кўрадиган бу - фарзанд.
Аммо, сиз буни англамайсиз, кўрмайсиз.
Жаҳлдан, аламдан, бир-бирингизга бўлган нафратдан кўзларингиз кўр, қулоқларингиз кар бўлган.
Бирга яшашни истамасангиз ҳеч кимни сизни мажбур қила олмайди. Фарзанд учун ҳам бирга яшашга мажбур эмассиз.
Баъзан фарзандлари келажаги учун ажрашиш энг тўғри йўл бўлиши мумкин.
Айтар сўзим оналарга!
Фарзандингиз қалбида отага нисбатан қаҳр уйғотманг.
Ҳатто, отаси дунёдаги энг аблаҳ одам бўлса ҳам.
Болани ўзингизнинг нафратингизга шерик қилманг.
Бола қалбида нега менинг дадам ёмон, нега мени ёмон кўради, менинг нима айбим бор деган туйғу билан, ўзини кераксиз ҳис қилиш туйғуси билан, айбдорлик ва айблаш туйғуси билан улғаймасин.
Катталар ҳаётидаги муаммоларда бола айби йўқлигини, дадаси қаерда бўлмасин уни яхши кўришини билиши керак.
Ота боланинг ҳаётида бўлмаса ҳам қалбида бўлиши керак.
Негаки, ташқи дунёга эшикни фақат ота очиб беради.
Боланинг келажакда ютуқларга эришиши, ривожланиши, ўз ўрнини топиши ота билан боғлиқ.
Боланинг отага бўлган нафрати, хафагарчилиги ҳеч қачон унутилмайди. Улардаги бу психологик жароҳат ҳеч қачон битмайди.

P.S: Агар, сиз кўп касал бўлаверсангиз, ҳаётда, турмушда ўз ўрнингизни топа олмаётган бўлсангиз, ўзингизда отангизга нисбатан нафрат, алам, хафагарчиликлар бўлиши мумкин.
Бу ҳолатда сизга психолог ёрдам бера олади.

Психолог Гульнара Атажанова

Қабулга ёзилиш учун

@Psixolog_Administratori

Психологга савол

@medpsixologGulnara

Яқинларингизга улашинг

https://t.me/bolalarpsixologiuz