Фарзандингизнинг туғилишини қандай интиқлик билан кутганингизн | 🌹БОЛАЛАР ПСИХОЛОГИЯСИ🌹

Фарзандингизнинг туғилишини қандай интиқлик билан кутганингизни бир эсланг.
Қандай ота-она бўлганингизни тасаввур қилиб, унга исм танлагансиз. Туғилмасидан ўйинчоқлар сотиб олгансиз. Ва ҳар доим қандай бахтли оила бўлганингизни, фарзандингиз учун нималар қилиб беришингизни хаёл қилгансиз.
Аммо сизнинг тасаввурларингизда болани тушунмаслик, жаҳл, чарчоқ, айбдорлик бўлмаган.
Аммо, кўриб турганингиздек болалар фақат ўзларигина келмайдилар.
Уларга меҳр, мухаббат, ҳимоя беришдан ташқари асабийлик, жаҳлдорлик, айбдорлик туйғуларини бошингиздан кечирасиз.
Энг муҳими фарзандингиз олдидаги айбдорлик ҳисси.
Улар учун нимадир қилиб беролмадим, вақт ажрата олмадим, меҳр-эътибор бера олмадим, бақириб қўйдим, уриб қўйдим деган айбдорлик туйғуси эса сиздан фарзандингизга "мерос" бўлиб ўтади.
Бу айбдорлик туйғуси сизда фарзандларингиз туғилиши билан пайдо бўлгани йўқ. Аслида, бу сизда болаликдан сингдирилган, қачонки жаҳлни, ғазабни босишга мажбур бўлганингизда.
Ота-оналаримизга эса бу механизм уларнинг ота-оналаридан, бува-бувиларидан сингдирилган.
У пайтда биз бола бўлганмиз, ота-онамиз айтганларини тўғри деб қабул қилганмиз.
Ҳозир катта инсонлармиз. Фикрлай оламиз, ўзгартира оламиз. Бизнинг вазифамиз фарзандимизга шундай бир мустаҳкам таянч бўла олишимиз керакки, келажакда айбдорлик туйғусини енга олишсин.
Сиз болаликдан сингдирилган айбдорлик туйғуси, нотўғри тарбия дастурларидан халос бўлиб, соғлом қадриятларни шакллантира оласиз.
Сиз ўзингизнинг жаҳлингиз билан келишишни ўрганасиз, уни қаерга йўналтиришни тушуниб оласиз.
Фарзанд тарбиясида кучни қаердан олишни ўргана оласиз.
Айбдорликдан, қўрқувлардан, ортиқча хавотирлардан халос бўлган тарбия услубини фарзандингизга сингдира оласиз.

#Каналимизга_уланинг

https://t.me/bolalarpsixologiuz