БУ ОТА... Синглимни турмушга берганимизга уч ой бўлди. Тўйни | 🌹БОЛАЛАР ПСИХОЛОГИЯСИ🌹

БУ ОТА...

Синглимни турмушга берганимизга уч ой бўлди. Тўйни ўтказиб уйга қайтаётганимизда отам кўзларида ёш билан дедилар:
- Қизни узатиш ўғилни уйлантиришдан фарқ қилар экан. Ўғлингни уйлантирганингда ўзингни зиёда бўлгандек ҳис қилар экансан. Қизингни узатганингда эса бир парчанг камайганини ҳис қилар экансан.

Отанинг қизига бўлган муҳаббатини Набиййимиз саллоллоҳу алайҳи ва саллам бундан 1400 йил аввал минбардан туриб эълон қилиб қўйганлар:
"Қизим менинг бир парчам. Уни нотинч қилган мени нотинч қилибди. Унга азият берган менга азият берибди".

Бир эр хотинига азият беришга одатланган эди. Аммо қизчасини эркалар, уни жуда яхши кўрар, у билан ўйнар эди. Хотини унга:
- Уни турмушга берганингиздан кейин эри уни хўрласа нима қиласиз?- деди.
Эр:
- Уни ўлдираман, - деди.
Шунда хотин:
- Менинг ҳам отам яхши кўрадилар. Мен ҳам севадиган отанинг қизиман, - деди.

P.S: Қизларимиз оиладаги ота-онаси муносабатини бир модел деб, норма деб қабул қилади. Ота онани хўрлаган оилада вояга етган қиз иккита йўлдан бирини танлайди:
1. Ҳеч қачон онам каби мени хўрлашларига йўл қўймайман.
2.Менинг эрим ундай эмас деган ниятда турмушга чиқиш, ва отанинг азобларидан қутулиш.

Оқибатда жуда кўпчилик ҳолатда ўзига худди отасига ўхшаган турмуш ўртоқ танлайди ва онасига ўхшаб эрининг зуғумларига чидаб яшашга мажбур бўлади.
Аёлингизга қилган муносабатингиз қизингизнинг келажакда тақдирини белгилаб беришини унутманг!!!

#Каналимизга_уланинг

https://t.me/bolalarpsixologiuz