Бізді естисіз бе?

2022-11-03 07:30:53 «Қала емес, көшпелі қос сияқты!»
Тараз шаһарының тұрғындары қаланың абаттандыруына наразы болып, қала әкімдігіне арыз-шағым жолдауда.
«Мырзахметовтың тұсында қаланың көркін бұзған дүңгіршектің бәрі алынып тасталғаны есіңізде ме? Енді олар қайта пайда болды. Барысқа қарама-қарсы түсініксіз қызыл капсула тұр. Сүлейманов көшесіндегі Ш.Уәлиханов кітапханасына қарама-қарсы тұғырдың үстінде тұр! Сәтпаев – құйма сыра! Бұларға кім рұқсат береді? Қала сияғы жоқ, көшпелі қос сияқты!», - деп ренжіді Назгүл Нарбекова.
«Қала кері шегініп барады, күн өткен сайын үміт те үзіліп келеді. 11 ықшам ауданындағы «Денсаулық» саябағы жабайыланып барады, қаңғыбастардың баспанасына айналады. Әкімдік уәде береді, бірақ ештеңе істемейді, ең бастысы уәде беру, содан кейін халық ұмытып кетеді. Қарапайым әткеншекті қалпына келтіре алмайды, оны жөндейміз деп бірнеше ай бұрын уәде еткен еді», - дейді Артықкүл Жақсыбаева.
Мұндай дүңгіршекті орнатуға рұқсатты кім береді? Әлде кәсіпкерлер өзімбілемдікке салып, өз басын қауіпке байлап, рұқсатсыз өздері орната ма? Тараз қаласының әкімдігі! Бізді естисіз бе? Ашу / Түсініктеме

2022-10-28 13:07:55 Жоғалған автобустар
Атырау әкімдігі! Бізді естисіз бе?
Неге Атырауда қоғамдық көлік кестесі реттелмейді? Қалалықтар автобусты ұзақ күтетінін айтып, шағымданып жатыр. Ал кешкі уақытта автобус табу тіпті мүмкін емес.
- Суретте автобустардың жүру кестесі көрсетілген. Барлық автобус сағат 6:00-ден 23:00-ге дейін жүруі тиіс. Ал шын мәнінде олар тек сағат 20:30-ға дейін ғана жүреді. Неге кестеге мән бермейсіңдер? – деп ренжиді Madina Sotnikova есімді желі қолданушы.
– Біз кешкі сағат сегізде жұмыстан шығамыз, бұл уақытта тек таксимен ғана кете аласың. Автобус бар деп неге бізді алдайды? Қазір автобустардың жүрісін қосымша арқылы бақылауға болады ғой, - деп жазады Надежда.
– Негізінде барлығы сол кесте бойынша болуы керек. Әкімдікке қанша жаздық, олар бізге автобус сағат 23:00-ге дейін жүреді дегенді айтады. Ал шын мәнінде сағат 19:00-19:30-да ол автобустар жоқ болады, - дейді қала тұрғыны Райхан Абдул.
– Сағат 20:30-да автобустар «Авангард» автопаркіне келеді. Жүргізушілер екі ауысымда жұмыс істеуі тиіс, бірақ бір ғана ауысыммен 12-14 сағат бойы жұмыс істейді, - деп хабарлады Gulya Nurgaliyeva.
– Кесте тек есеп беру үшін жасалған ғой, –дейді әлеуметтік желі пайдаланушы Lukpan Idrissov.
– Нұрсая ықшам ауданында сағат кешкі 7-ден кейін автобус мүлдем болмады, – дейді Нұргүл Шамарова.
Мынау сол қоғамдық автобустың жүру кестесі Ашу / Түсініктеме

2022-10-27 11:20:44 Егерде сіз жұмыссыз қалсаңыз...
Еске сала кетейік, жұмыссыз қалған жағдайда МӘСҚ қаражаты есебінен төленетін әлеуметтік төлем жұмыстан шығу себебіне қарамастан, жұмыссыз қалған адам жұмыс іздеп жатқан кезде, қолдау мақсатында беріледі.
Қолданыстағы заңнамаға сәйкес жұмыстан босатылған қызметкерлер міндетті әлеуметтік сақтандыру жүйесіне қатысу өтіліне және соңғы 24 айдағы табысына байланысты 1 айдан 6 айға дейін жұмысынан айырылуы бойынша әлеуметтік төлемдер алады. Төлем қызметкер жоғалтқан табыстың 40% - на дейінгі мөлшерде МӘСҚ қаражаты есебінен жүзеге асырылады.
Жұмыстан босатылған қызметкерге төлем тағайындау үшін:
- eGov.kz порталында тіркелу;
- «Жұмысқа орналастыру және жұмыспен қамту» бөлімінде «Жұмыс іздеп жүрген адамдарды тіркеу» қызметін таңдау;
- онлайн қызметке тапсырыс беріп, барлық жолдарды толтыру және ЭЦҚ-мен қол қою арқылы өтінімді жіберу қажет;
- бір күн ішінде өтініш берушінің тұрғылықты жері бойынша жұмыспен қамту орталығы (бұдан әрі – ХЖҚО) бос жұмыс орындарын ұсынады;
- егер жұмыс табылмаса, 3 күн ішінде қашықтан жұмыссыз мәртебесі беріледі (қажет болған жағдайда қосымша ақпарат жинау үшін өтініш берушімен ХЖҚО қызметкері хабарласады).
Бұл қызметті онлайн режимде Электрондық еңбек биржасы (enbek.kz) арқылы да алуға болады.
Азамат жұмыссыз ретінде тіркелген соң Еңбек және халықты әлеуметтік қорғау министрлігінің ақпараттық жүйесі проактивті форматта МӘСҚ-нан төлем тағайындау бойынша қызмет көрсетуге келісім беру үшін ұялы телефонға SMS-хабарлама жібереді. Келіскен жағдайда SMS-хабарламаға жауап беру қажет. Төлем автоматты түрде тағайындалады. Ашу / Түсініктеме

2022-10-27 11:19:31 Лентаға кішкене ұятты дүниелерді салайық...

Арқалық сәулетшілері мен қала құрылысшылары ерекше ақылды. Суретте көрсетілген конструкция – «Қазақстан кіндігі» монументі екен. Мамандар иелік шекарасын білдіретін фалликалық таңба Ұлы Далада кең тараған көне меңгірлер, шекара тастары секілді ишара екенін айтады. Алайда қазақстандықтар Қостанай облысы шенеуніктерінің археологиялық бастамасын түсінбеді, сөйтіп мұндай «ескерткішті» орнатуды ұят деп жатыр. Мүмкін бұл Фрейд атаға ұнар ма еді?! Бізді естисіз бе, Арқалық қаласының әкімдігі? Ашу / Түсініктеме

2022-10-26 09:26:41 Ашу / Түсініктеме

2022-10-20 08:45:13 Ашу / Түсініктеме

2022-10-20 08:37:46 Ашу / Түсініктеме

2022-10-19 09:19:45 Уәдені үш жыл күтеміз бе?
Атырау әкімдігі! Бізді естисіз бе?
- Неге осы күнге дейін №14 мектепке қауіпсіз өту үшін жағдай жасалмаған? Үш жыл бұрын уәде еткенімен әлі күнге дейін мектеп алдында жылдамдықты азайтатын кедергі, белгі жоқ, еш нәрсе жасалмаған. Ең болмаса жаяу жүргіншілер үшін реттелетін бағдаршам орнатыңдар. Атырау әкімдігі, мәселені шешіңдер енді», - деп жазды билік өкілдеріне Наталья Муруева.
Бір сөзбен айтқанда уәде еткен дүниені үш жыл күтеді, төртінші жылы ол ұмытылады. Олай болмаса екен деп тілейміз! Ашу / Түсініктеме

2022-10-17 13:02:21 Ашу / Түсініктеме