2021-10-20 23:42:50
Кітап жайлы 5 подкаст
1. «1001 Kitap» подкасты
Бұл подкастты Бақытгүл Салыхова жүргізеді. Бақытгүл Салыхова негізі ағылшын тілінің мұғалімі. Ол өзі жүргізетін подкастта ағылшын тілінде жарық көрген әр түрлі жанрдағы кітаптарға шолу жасап, оқырман үшін ең өзекті бөлімдеріне тоқталып айтып береді. Бұған дейін қазақ тілінде мұндай подкаст болмаған. Сондықтан Бақытгүл Салыхова подкасты тың жоба. Алайда қазіргі уақытта подкаст жұмысы тоқтап тұр, сондықтан жаңа эпизодтары шықпайды. Бірақ сонда да бұған дейін кітаптарға шолу жасаған подкасттары тыңдауға тұрарлық.
https://podcasts.apple.com/kz/podcast/1001-kitap/id1500075278
2. "Бұршақ" подкасты
Подкастты Айжарық Сұлтанқожа, Әлішер Рахат және Берікбол Батан жүргізеді. Олар бұл подкастта әдебиеттегі бір шығарманы алып, сол туындыны жан-жақты талқылап өз ойларын бөліседі. Сонымен қатар подкастқа қонақ ретінде кітапқұмар адамдарды да шақырып, кітап жайлы сөз қозғайды. Подкаст іздеу жүйесінде "Бұршақ" деп жазылғанына қарамастан оның негізгі аты "кітап жегіш қауым" деп аталады. Жалпы подкасттың аудиториясы - мектеп оқушылары.
https://podcasts.apple.com/kz/podcast/burshaq/id1540901182
3. “Оqylook” подкасты
Бұл подкаст кітапқұмарлар мен кітап оқу тиімділігі жайлы тілге тиек етеді. Подкастты Медина Рахмедулла жүргізеді. Ол сыншы емес, кітапқұмар жандардың бірі. Аптасына бір рет кітаптағы кейіпкерді талдау, эффективті оқу тәсілдері, жасөспірімдердің өз еркімен кітап оқуы секілді тақырыптары қозғайды.
https://podcasts.apple.com/kz/podcast/oqylook/id1554765753
4. «Книга недели» подкасты
«Книга недели» подкасты - әр апта сайын шығып отыратын подкаст. Жүргізуші - Тамара Бессмертная. Ол тек ресейлік ғана емес батыстық кітаптарды ғана қамтып шолу жасайды. Өз подкастында нақты бір кітапты атап өтіп, оның сіз үшін қандай маңыздылығы бар екенін айтып береді. Сондай-ақ бұл подкастты тыңдағанда бұрыннан белгілі туындылармен қатар жаңа шыққан шығармалармен де танысасыз.
https://podcasts.apple.com/kz/podcast/подкаст-книга-недели/id1225036631
5. «Книгометр» подкасты
Қазіргі таңда әлемдегі әртүрлі кітаптар және кітап құмарлар жайлы подкаст. Жүргізушілер - Марина мен Жанаргүл. Олар өздерінің әдеби сыншы немесе әдебиетке қатысты адамдар емес, жай ғана оқырман екенін атап өтеді. Подкаст әр екі апта сайын шығып отырады. Подкастта әдебиет жанрларынан бастап әртүрлі кітаптарға дейін тіпті кейбір шығармалардың экранизациялауы жайлы сөз қозғап өз ойларымен бөліседі.
https://podcasts.apple.com/kz/podcast/книгометр/id1505296529
Ал сіз подкаст тыңдайсыз ба?
#кітап #подкаст
66 viewsAizhan Tabarakqyzy, 20:42