ПАЙДАЛЫ БІЛІМ МАРЖАНЫ

2022-08-02 16:11:01 С476: Кіші және үлкен әжетті өтегеннен кейін нәжіс орындарды жуу немесе сүрту міндетті ме?

Ж476: Иә.

Д476: Ибн Аббас былай деген: «Бірде Пайғамбар (оған Аллаһтың игілігі мен сәлемі болсын) екі қабірдің қасынан өтіп бара жатып: «Бұл екі адам азапталып жатыр, олар үлкен нәрсе үшін азап шегіп жатқан жоқ. Бірі адамдардың арасында өсек таратты, ал екінші адам кіші әжетін өтегеннен кейін (нәжісінен) тазармады», - деді»

(әл-Бухари, 216 және Муслим, 292).

Абу Хурайра Аллаһ Елшісінің (оған Аллаһтың игілігі мен сәлемі болсын) былай дегенін баяндаған: «Қабірдегі азаптардың көбі кіші әжетті өтеудегі нәжістен»

(күшейтетін басқа хадистердің себебімен сенімді; әл-Хаким, 1/183). Ашу / Түсініктеме

2022-08-02 16:10:05 С475: Дәрет алу барысында тобықты жаппайтын аяқ киімді сүртуге болады ма?

Ж475: Жоқ. Ашу / Түсініктеме

2022-08-02 16:09:01 С474: Намазды аяқ-киіммен оқуға болады ма?

Ж474: Иә, егер аяқ-киім таза болса.

Д474: Абу Мәсләма Сағид ибн Зәйдтен бірде ол Әнас ибн Мәликтен: «Аллаһтың Елшісі (оған Аллаһтың игілігі мен сәлемі болсын) аяқ-киімімен намаз оқыған ба?», - деп сұрағаны жайлы жеткізіледі. Әнас: «Иә», - деп жауап берді

(әл-Бухари, 386 және Муслим, 555).

АбдуЛлаһ ибн Амр ибн әл-Ас былай деген: «Мен Аллаһ Елшісінің (оған Аллаһтың игілігі мен сәлемі болсын) намазды жалаң аяқ оқығанын және аяқ-киімде оқығанын көргенмін»

(хадис қолдауы бар болғаны үшін сенімді; Абу Дауд, 653 және Ибн Мәжаһ, 1038). Ашу / Түсініктеме

2022-08-02 11:05:06 С473: Дәрет алғанда масих тартуды жоққа шығартын, бірақ аяқты жуудың орнына оны ылғалды қолмен сүртуге болатыны жайлы айтатын адасқан топтың аты қандай?

Ж473: Рафидилер.

Д473: Ибн Аби-л-Ғизз былай деген: «Пайғамбардың (оған Аллаһтың игілігі мен сәлемі болсын) дәрет алғанда шұлықты сүрту және аяқты жуу рұқсат етілгені жайлы сүннеті бізге мутауатир жолмен жетті, бұған тек рафидилер ғана қайшы келеді*».

*«Шарх әт-Тахауи», әт-Тахауидің мына сөздерінің түсіндірмесі: «Біз (дәрет алу барсында) шұлыққа масих тарту тұрғылықты мекенде де, сапарда да рұқсат етілген деп санаймыз. Бұған Пайғамбардың (оған Аллаһтың игілігі мен сәлемі болсын) хадисі нұсқайды». Ашу / Түсініктеме

2022-08-02 11:05:06 С472: Дәрет алғанда сүртілген шұлықты шешкенде адамның дәреті бұзылады ма?

Ж472: Жоқ, шұлықты шешу дәретті бұзатын амал болып саналмайды. Ашу / Түсініктеме

2022-08-02 11:04:01 С471: Шұлықты сүртуге болатын уақыт қай кезден бастап саналады?

Ж471: Оның бірінші сүртілген кезінен басталады, тіпті адам оны сүртуден біршама уақыт бұрын киіп қойған болса да. Ашу / Түсініктеме

2022-08-02 05:09:01 С470: Адам қанша уақыт бойы шұлығын шешпей, дәрет алғанда оны сүрте алады (оған масих тарта алады)?

Ж470: Егер адам өзінің тұрғылықты жерінде болса, ол шұлығын шешпей оны бір күн және бір түн (тәулік бойы) сүрте алады. Ал егер адам сапарда болса, онда ол дәрет алғанда үш тәулік бойы аяғын жумай, шұлығын сүрте алады.

Д470: Али ибн Абу Талиб былай деген: «Аллаһтың Елшісі (оған Аллаһтың игілігі мен сәлемі болсын) сапарда болған адамға шұлығын үш күн мен үш түн сүрте алатынын, ал өз тұрғылықты орнында болған адам бір түн мен күн сүрте алатынын бекітті»

(Муслим, 276). Ашу / Түсініктеме

2022-08-02 05:09:01 C469: Масихты шұлықтың қай бөлігіне тарту керек?

Ж469: Оны шұлықтың үстінгі жағына тарту керек.

Д469: Али ибн Абу Талиб былай деген: «Мен Пайғамбардың (оған Аллаһтың игілігі мен сәлемі болсын) шұлықтың жоғарғы жағын сүрткенін көрмегенімше оның төменгі жағын сүрту жоғарғы жағын сүртуге қарағанда дұрысырақ деп ойлағанмын»

(хадис сенімді; Абу Дауд, 164). Ашу / Түсініктеме

2022-08-01 15:47:01 С468: Дәрет алу барысында аяқты жуудың орнына, былғары не жай шұлықтың үстінен сулы қолмен өткізуге (масих тартуға) болады ма?

Ж468: Иә, егер ол шұлықты дәретті күйінде киген болса, масих тартуына болады. Бұл Пайғамбардың (оған Аллаһтың игілігі мен сәлемі болсын) сүннеті.

Д468: Әл-Муғира ибн Шуғба былай деген: «Бірде мен Пайғамбармен (оған Аллаһтың игілігі мен сәлемі болсын) бірге сапарда болдым. Ол (оған Аллаһтың игілігі мен сәлемі болсын) дәрет алып жатқанда, мен оның былғары шұлығын шешуім үшін иілдім, бірақ ол (оған Аллаһтың игілігі мен сәлемі болсын): «Оларды қалдыр, мен оларды таза (дәретті) аяғыма кидім», - деді. Кейін ол олардың үстінен сулы қолдарымен өткізді»

(әл-Бухари, 206 және Муслим, 274). Ашу / Түсініктеме

2022-08-01 15:47:01 С467: Егер адам суды да, жерді де таппаса не істеу керек? (Мысалы қыс мезгіліндегі жолда).

Ж467: Ол намазын дәретсіз немесе таяммумсыз оқиды, егер ол бұдан соң суды немесе жерді тапса, намазды қайта оқудың қажеті жоқ.

Д467: Аллаһ Тағала былай деген:

فَاتَّقُوا اللَّهَ مَا اسْتَطَعْتُمْ

«Сондықтан шамаларың келгенінше Аллаһтан қорқыңдар»

(«әт-Тағабун» сүресі, 16-аят). Ашу / Түсініктеме