Мамандық, университет таңдау және грант (3) Бір аптадан асты | AYATZHAN / Мінез!

Мамандық, университет таңдау және грант (3)

Бір аптадан асты жоғардығы үш сұрақтың айналасына Instagram, WhatsApp, Facebook жекелерімде жауап беріп үлгермей жатырмын. Кей сұрақ жауапсыз қалып жатса кешірім сұраймын. Сол үшін жалпылық жауап бере кетейін.

1. ҰБТ әлі біткен жоқ. 5 шілде бітеді. Әлі нақты ҰБТ-2022 статистикалар шыққан жоқ. Мамандықтарға бөлінген гранттар тізімі толық шыққан жоқ.
Сондықтан дәл қазір бірдемеге болжам жасау мүмкін емес.

2. Грантқа байланысты алдын ала кеңесімді жазғам қараңыз парақшамда тұр.

3. Одан тыс Гүлбану Бақытханқызы күнделікті керек ақпараттармен бөлісіп отыр. Республикалық QAZBILIM орталығы @qazbilim парақшасында да тұр ақпараттар.

4. Барлық пайдасы тиетін ақпаратты сағат сайын QAZBILIM телеграм каналына ( https://t.me/kazbilim ) салып жатырмыз. Түлектерге барынша пайдасы тисе деген ой ғой сол.

5. Ақпаратты тыңдап түсініп алатындар үшін, өткен жылы осы тақырыпқа подкст кеңес түсіргеміз. Сілтеме:



6. Педагогикалық және медициналық мамандықтар таңдайтындар үшін қосымша психологиялық емтихан өтіп жатыр. Өзіңізге жақын кез келген университеттен тапсыра аласыз. Ал таңдағанда басқа университет таңдай беруге болады.

7. Статистикалар мен гранттар тізімі қалай шығады, солай жариялаймыз. Күтіңіздер.

8. Шығармашылық емтихандар 8-13 шілде арасында тапсыру керек. Оны қай университетке түспекші болсаңыз сол университетке барып тапсырасыз. Көбінде әр университет талабы әр түрлі.

Сіздер үшін тағы не істей аламыз? Қалжың?
Бәрін оқып танысыңыздар. Көріңіздер.
Әр адамға жеке жауап беру мүмкін болмай жатыр. Айтпақшы, алаңдамаңыз, бәріне үлгересіз. Уақыт жетеді.