AYATZHAN / Мінез!

Telegram арнасының логотипі ayatzhan — AYATZHAN / Мінез!
Арнадағы тақырыптар:
Слава
Химия
Мотивация
Тренинг
Тест
Физика
Биология
Grant
Ubt
Ент
All tags
Telegram арнасының логотипі ayatzhan — AYATZHAN / Мінез! A
Арнадағы тақырыптар:
Слава
Химия
Мотивация
Тренинг
Тест
Физика
Биология
Grant
Ubt
Ент
All tags
Арна мекенжайы: @ayatzhan
Санаттар: Психология
Тіл: қазақ
Жазылушылар: 1.11K
Арнадан сипаттама

Аятжан Ахметжанұлының мотивациялары

Ratings & Reviews

3.50

2 reviews

Reviews can be left only by registered users. All reviews are moderated by admins.

5 stars

1

4 stars

0

3 stars

0

2 stars

1

1 stars

0


Соңғы хабарлар

2022-09-01 06:40:32
Бірінші қаңтар жаңа жыл емес,
Жаңа жыл емес наурыз да.
Жаңа жыл күзден басталу керек меніңше...
Несі таң екен аспаннан ақ қар төгілсе,
Несі таң және қылтиып көк шөп көрінсе?..
Жаңа жыл күзден басталу керек меніңше...
Күл мейлің...
Бұзылып кенет нілдей күн,
Еңсеңді басса зілдей мұң.
Жаңа жыл күзден басталу керек меніңше...
Неге екенін білмеймін...

Есенғали Раушанов

Иә, біз үшін де жаңа жыл жаңа оқу жылының басынан басталады ғой...

Құрметті әріптестер, жаңа оқу жылында шығармашылық табыс тілеймін! Әр баланың жұлдызын жаға беріңіздер!

Құрметті ата-аналар, ұлдарыңыз ұлағатты, қыздарыңыз инабатты болсын!
Білімді һәм тәрбиелі ұрпақ өсіре беріңіздер!

Құрметті оқушылар, еліміздің ертеңі білім жолындағы тағы бір жылдық сапарларыңыз сәтті болсын!

Білім күні құтты болсын!
43 views03:40
Ашу / Түсініктеме
2022-08-28 14:07:02
Орал қаласы тамыз Орал қаласы тамыз кеңесіндегі сөзден бір үзік...

Ұлттық мектеп - Ұлт болашағы
1.2K viewsedited  11:07
Ашу / Түсініктеме
2022-08-27 06:36:01
Бүгін Атырауда QAZBILIM лицейі ашылуы!

Оралдағы тамыз кеңесін тәмәмдап, Атырауға аттандық.

Атырау қаласындағы “QAZBILIM” ұлттық лицейі ашылу салтанаты бағдарламасы:

26 тамыз 10:00
Мұғалімдер конкурсы

27 тамыз 10:00-19:00
“Ашық есік күні”

Ашық есік күнінде ата-аналар мен оқушыларға кез келген бағытта тегін кеңес беріледі.

27 тамыз 10:00
Ашылу салтанаты.
(Концерттік бағдарлама)

27 тамыз 12:00
Лицей таныстырылымы

27 тамыз 14:00
10-11-сынып оқушыларына арналған “Мамандық таңдау және болашақ” атты мотивациялық семинар-тренинг

Тренер:
“QAZBILIM GROUP” негізін қалаушы, PhD химик, ақын, блогер Аятжан Ахметжанұлы @aiatjan.

27 тамыз 16:00 (жергілікті)
Ата-аналарымен кездесу.

Ұлттық “QAZBILIM” лицейінің ашылуының құрметті қонағы болыңыздар! Армандарыңыздың орындалуының алғашқы қадамын жасаңыз!

Біздің мекенжай:
Атырау қаласы, Бейбарыс даңғылы 458.
Байланыс: 8 701 943 8008
#qazbilim
343 views03:36
Ашу / Түсініктеме
2022-08-24 05:51:59
"QAZBILIM" ұлттық лицейлері мұғалімдерге конкурс жариялайды.

Жұмысқа қабылдау үш кезеңнен тұрады:
1) Пән бойынша тест (12 қаладағы бөлімшелеріңміздің біріне барып, оффлайн форматта тапсыру керек)
2) Құжат тексерісі
3) Сұқбаттасу
409 views02:51
Ашу / Түсініктеме
2022-08-22 05:36:34 ​​Ұлттық лицей және Солтүстік өңірлер

QAZBILIM өмірге келгелі тек қазақ тілінде ғана жұмыс жасап келеді.

Орыс тілінде топ ашылған емес,
Орыс тілінде жарнама жасалған емес,
Орыс тілінде іс қағаз жүргізілген емес.

2020 жылы желтоқсанда Қызылжар (Петропавл) қаласынан Республикалық QAZBILIM орталығын әуелгі ұстаным сол өңірдегі қазақ тілді білімнің сапасына, ұлтқа қызмет ету еді. Сол үшін жылына неше оқушыға грант беріп ұстап келеміз.

Ал, Қостанайдан QAZBILIM ұлттық лицейін ашу жұмыстарын бастай салғанда өңірдегі азаматтардың басты сұрағы мектепті қалай толтырасыңдар, оқушы табу қиын ау, - деген сұрақ болды. Сол кездегі жауабым, мен ұлттық мектепті ауданы басты мақсатым бизнес емес, керек болса өз қалтамнан грант беремін деген едім.

Кеше ашылу қарсаңында сол сөзім бойынша Ахаң туған далада ашылып жатқан ұлттық лицейге Ұлт ұстазының 150 жылық мерейтойына орай 50 оқушыға грант бердік!

Грантқа 5-11 сынып арасындағы кез-келген оқушы қатыса алады. Грант QAZBILIM олимпиадасы негізінде іріктеледі. Олимпиада 23 тамыз күні өтеді. Алдын ала тіркелу міндетті.

Байланыс: 8701 754 8008.

Қостанай өңіріндегі тілдік, ұлттық мәселелер Петропавл, Павлодар қалаларынан да ауыр секілді сезілді.
Ұстазадар қосынын конкурс арқылы алдық және Астана, Алматы қаласындағы QAZBILIM ұжымынан апардық.

Әлі біраз қадамдар бар, біз әлі көп нәрсе жасаймыз! Күтіңіздер!
440 views02:36
Ашу / Түсініктеме
2022-08-18 21:27:16 ​Сіз QAZBILIM TV (https://www.youtube.com/c/QAZBILIMTV) арнасына жазылып па едіңіз?

Бұл каналда:
ҰБТ-ға дайындық бағытында 500-ден астам сабақ;
НЗМ және БИЛ-ге дайындық бағытында 100-ден астам сабақ;
Пәндік олимпиадаға дайындық бағытында 30-дан астам сабақ;
20-дан астам мотивациялық тренинг;
20-дан астам білім саласына қатысты кеңес;
20-дан астам білім саласына қатысты сұхбат жарияланған.

Егер оқушы болсаңыз, тегін сабақ, үздік мотивация!
Сіз ұстаз болсаңыз, тегін тәжірибе алмасу алаңы!
Сіз ата-ана болсаңыз, балаңыздың сапалы білім алуына тегін келелі кеңес!

Сізден керегі тек қана QAZBILIM TV арнамызға тіркеліп, өзіңізге қажетін алу.

2 247 501 қаралым жинаған арнамыз әрбір оқырманға пайдасын тигізіп, бағыт беруге дайын.

QAZBILIM TV арнасы 2020-2021 жылы Ұлттық тестілеу орталығымен бірлесе отырып, карантин кезінде үздіксіз тікелей эфирде тегін сабақ өтті. Былтырғы оқу жылында да түлектерге қолдац білдіру мақсатында Ұлттық тестілеу орталығымен бірлесе отырып бір жыл күнделікті тегін сабақ өткізді. Нәтижесінде еліміздің әр түкпірінен бізден білім алып, грантқа түсіп, өз алғыстарын жеткізген түлектеріміз қаншама.

Алдағы уақытта да осындай үлкен жобалар өз жалғасын табатын болады.

Сіз қай сабақты асыға күтесіз, сүйікті мұғаліміңізді төменге белгілеп кетіңіз.

#qazbilim
#youtube
#qazbilimtv
#ент #ұбт
#ниш #нзм
#2021 #2022
488 views18:27
Ашу / Түсініктеме
2022-08-15 08:14:01 Оқырмандарымның бірі өткізіп жатқан сайыс екен көріңіздер!

https://www.instagram.com/p/ChREOoyonbs/?igshid=MDJmNzVkMjY=
638 viewsedited  05:14
Ашу / Түсініктеме
2022-08-14 13:06:34 Біреулер оңбаған дейтін шығар, біреулер ұлтшыл дейтін шығар, дей берсін. Бастысы қазақ тілінің өрісін кеңейтуге, көп мекемелер қазақ тілін білмесе болмайтын жағдайға кетіп бара жатқанын түсіндіруге сәл де болса әсер ете алсам болғаны. Мейлі, сыртымнан сыбап боқтай берсін.

Бірде, мектепке бір компаниядан бір қыз келді, кәбинетіме кіріп, бір заттарын ұсынып орысша бұрқыратты. Сосын,
- қазақша сөйлейсіз бе, - деп едім.
- жоқ мен қазақша білмеймін деді.
- кешіріңіз, - мен орысша білмеймін. Я не понимаю по руский, - дедім. Көзі бақырайып кетті.
- как, ви директор, - дейді.
- иә, директормын, мемлекеттік тілді білемін, көршінің тілін білу талабы бізде жоқ, - дедім. Таңғалған пішінде шығып, хатшымнан шын ба деп сұрапты.

Яғни, орыс тілін білмейтін адам басшы болмайды деген сана сіңіп кеткен. Түсіне алмай таңғалып тұр.

Мен ішімнен қуандым. Дұрыс болды, қазақ тілін білуі керек екенін түсінді деп ойладым.

Білмеймін, орыс тілінсіз жақсы өмір сүруге болатын, жетістікке жетуге болатынын дәлелдегім келеді. Дәлелдеп жүрмін, жалғасты дәлелдей берем деп сенемін.

P.S. Қазақстанда қазақ тілін білмей мемлекеттік қызмет істей алмайтын, қазақ тілсіз бизнес жасай алмайтын күнге жету керек. Сонда ғана қазақ тілі дамиды.

Келісесіздер ме?
646 views10:06
Ашу / Түсініктеме
2022-08-14 13:06:34 Қазақстанда орыс тілсіз өмір сүруге бола ма?

Бізде бір оңбаған түсінік қалыптасқан.
- егер орыс тілін білмесең жақсы жұмысқа тұра алмайсың!
- орыс тілінсіз бизнес жасай алмайсың!
- орыс тілін білмесең қалада өмір сүре алмайсың!

Яғни, орыс тілсіз нан жоқ, - деген түсінік қатты қалыптасқан. Соның кесірінен орыс тілін білмеген адам білімсіз деген сана сіңіп кеткен.

Орыс тілінде сөйлеуді мәртебе, орыс тілінде жазуды білімділіктің көрінісі секілді көретін қауым көп.

Тіпті өзімнің жерлестерім, шеттен келген қандастарым Қазақстанға келгенде бірінші қазақ тілін емес, орыс тілін үйренеді. Оқуға түскен іні қарындасарым әлеуметтік желіде посттарын орыс тілінде жазады. (Шындап келгенде ол тілді білмейді де).
Бірақ, жұртқа жүнін жылтырату психологиясы.

Баяғыда ЕҰУ-ға бірінші курсқа оқуға түскенде тобымызда қазақы өңірлерден келген қыздар көп болды. Соның көбінің орысшасы өте нашар еді. Бірақ, 4 курста солардың көбі қазақшадан көрі орысша көп сөйлейтін боп кетті. Сол баяғы қазақша сөйлеуді намыс, орысша сөйлеуді мақтан көретін психология.

Тіпті бір қызық айтайын, бірінші курста тобымызда сондай бір Томирис (аты өзгертілді) деген қыз болды. Оқуға түсе салған бірінші семестрде орыс тілінен мен де, ол қыз да үш алдық. Шәкіртақыдан екеуміз де айырылдық. Оның орысшасы да менің айналам еді. Кейін оқуды бітіріп кетіп, екі жылдан соң магистратураға түстім. Ана қыз магистратураның екінші курсында оқиды екен. Содан әңгімелесіп отырғанбыз, бір уақытта әңгімеден әңгіме шығып, диссертацияға ауысқанда әлгі Томирисім:
- мен диссертацияны орысша қорғайын деп ем, қазақ тобы орысша қорғауға болмайды, - деп рұқсат бермей қойды, - дейді.
- неге орысша? Қазақша қорғай бермейсің бе, - десем,
- қазақша маған қиын, орысша түсіну жеңіл, - деп қарап тұр. Күлерімді не ашуланарымды білмедім.
- Томирис, айналайын, бірінші курсқа келгенде сен де, мен де орысша бір ауыз білмейтін ек, екеуміз де үш алып ек жалынып жүріп, өзіңше болмашы, - дедім. Шынында қазақша түсінбейтіндей ұмытып қалған жоқ, жай сол арсыз мақтан.

Өмірдегі мысал ғой, бірақ, қоғамнан бұндай оқиғаны жиі көремін. Қиналып орысша сөйлеп, қиналып орысша жазып жүреді. Тіпті орысша білмейді, бірақ, жұмыс іздеу үшін түйіндемесін орысша жазып алады. Неге тағы сол жоғарыдағы түсінік.

Енді әлқиса әңгімеме қайта оралайын. Орыс тілсіз өмір сүруге, жақсы жұмыс істеуге, бизнес жасауға бола ма?
- болады!!!

Соны дәлелдегім келді. Отаныма оралғалы 16 жыл, жұмыс істегелі 12 жыл. Орыс тілсіз өмір сүріп келемін. Орыс тілінде құжат толтырмаймын. Орыс тіліндегі құжатқа қол қоймаймын. Ұстаным сол, қандай жағдай болса да, бұзбаймын.

Бастапқы кезде мұғалім болдым, аса қажеттілік тумады. Республикалық "QAZBILIM" орталығын құрғалы бері орысша топ ашайық, жарнаманы орысша жасайық, - деген ұсыныс өте көп болды. Ұлтшылдық бизнестің жауы, ондай қырыстық дамытпайды, - деген ақылшылар көп болды.

- жоқ, орыс тілінсіз дамымай қалсам дамымай ақ қалдым. Орыс тілінде еш нәрсе болмайды деп қатаң ұстанымда келем. 7 жылға жуық, тіпті соңғы екі жылда Петропавл қаласында QAZBILIM осы ұстанымда жұмыс істеп тұр. Биыл Қостанайдан QAZBILIM лицейін аштық. Онда да осы ұстаным. Қанша солтүстік өңір болса да, орыс тілінсіз жұмыс жасау басты ұстаным.

12 облыста білім беру саласында қызмет етіп келеміз, 300 ге жуық адам жұмыс істейді. 120 дан астам оқу әдістемелік құрал шығардық. Жылында 3000-4000 оқушы бітіреді. Бірақ, қиналып жатқан біз жоқ. Есесіне талай мекеме бізбен келісім шарт жасау үшін қазақ тіліндегі келісім шарт үлгісі жоқ қиналды, орысша жасауды өтінді, соңында аудармашы жалдап қазақша келісім шарт алып келді.

Қазір өзім мемлекеттік мектепте басшылықта болғасын орысша құжат көп келеді. Хат жіберем, немесе телефон соғып қазақшасын жіберуді сұраймын, орысшасын толтырмаймын, мәдениетті түрде мемлекеттік тілдегі нұсқасын жіберіңізші деймін деп отырамын. Ешкімнің жоқ деуге қақысы жоқ, дайындап жібереді.
598 views10:06
Ашу / Түсініктеме
2022-08-13 05:51:36 ​​Кешегі мешіт туралы әңгімеде ол бюджет қаржысына салынбаған, жеке қалталы азаматтардың қаржысына салынған деді.

Иә, 235 мың адам бір уақытта құлшылық жасай алатын 10 гектар аумаққа орналасқан мешіт елімізге, бас қарға сән береді. Жұма күні жұрт толар, басқа күні бос тұрады.

Біз осы мектеп сап көрейікші, бір бай демеуші боп қалар - деп, Петропавл мен Павлодардың бірінен ұлттық мектеп интернатын салу мақсатында, көмек сұрап көргеміз. 3 айдан астам уақытта 2 657 234 теңге жиналды.
Яғни, жұрт аса құлықты емес.
Мектеп интернатының мақсаты үлкен еді, шеттегі өзге ұлтқа жұтылып бара жатқан қазақтардың балаларын алдырып, оқыту мәселесі тағы бар, солтүстікті қазақыландыру, қазақ ұлттық мектептерін дамыту мәселесі тағы бар. Бірақ, өкінішке демеу болар қалталы көрмедім. Тіпті Ақсуатта ұлан асыр той жасап, тойға шашып жүрген ұлтжанды ағамыздың жекесіне ұсыныс жасадық. Жоқ, мектепке емес тойға шашады.

Бірақ, дәл қазір біз үшін ең өзекті мәселе үш ауысымды және апаттық мектептерді жою. Мемлекет мектеп салуға барынша кірісті. Қарқын бұрынғыдан тездеді. Бірақ, алдағы 10 жылда үш ауысымды мектеп пен апаттық жағдайдағы мектеп мәселесі шешіледі деп ойламаймын.

Себебі, елде ресми 150 ден астам үш ауысымды мектеп бар, ал бей ресми саны осының екі есесі болатыны анық. Зорлықпен екі ауысым жасап жасырып отырған өңірлер жетерлік.

Бір ғана жаңа Алматы облысында 62 мектеп үш ауысымда.

Оның үстіне биыл 174 мың бала 11 сынып бітірсе, 400 мың бала 4 сыныпты бітіріп жатыр. Төменгі жақта демографиялық толқын бар. (Өс қазақ, көбей!).

Біз үш қалада (Атырау, Ақтау, Қостанай) ресторанды мектепке айналдырып, QAZBILIM лицейін аштық. Осылай ресторандарды да өзгерту керек мектепке айналдырып, қалталы азаматтар жеке мектептерді көптеп салу керек.

Сапалы заманауи дүниемен жабдықталған жұрт кіру арман болған BINOM секілді мектептер Астанадан ғана емес, өңірлерден, моно қалалардан да салыну керек!

Бізге мынау елді дамыту үшін білімді, сапалы қазақ керек!
Білімсіз адам бәрін сатып алуға бейім тұрады, ал жемқорлық елдің түбіне жетеді.

Әлі де үлес қосамын дегендер болса, ақпарат суретте
2.8K views02:51
Ашу / Түсініктеме